Çində hazırlanmış “Black Panther 2.0” adlı robot iti 10 saniyədə 100 metr məsafəni qaçaraq yeni rekord qırıb. Beləliklə, Black Panther 2.0 yayımlanan videosu ilə insanları heyran etməyi bacarıb.
Son dövrlərdə robototexnika sahəsində diqqətəlayiq inkişafların edildiyi Çində Teslanın Optimusuna rəqib olacaq insanabənzər robotlar sərgilənir, digər tərəfdən isə xüsusilə hərbi qanadda istifadə edilə bilən müxtəlif robotlar hazırlanır. Bu layihələrdən biri olan Balck Panther 2.0 adlı robot it yeni versiyası ilə görənləri heyran etməyi bacarıb. Paylaşılan son videoda Black Panther 2.0-ın 10 saniyədə 100 metr məsafəni qaçaraq rekord qırdığı göstərilir. Qeyd edək ki, bu sahədə əvvəlki rekord Koreya istehsalı olan HOUND-a məxsus idi.
Çindən gələn videolara bəzən şübhə ilə baxılsa da, indi Çinin həqiqətən də robot texnikası sahəsində ABŞ ilə rəqabət apardığı bir həqiqətdir. Black Panther 2.0 bunun ən son göstəricisidir. Zhejiang Universitetinin insanabənzər robotlara diqqət yetirən tədqiqat mərkəzi və Mirror Me adlı startap ilə əməkdaşlıqda hazırlanmış Black Panther 2.0 adını aldıqdan sonra qara panteradan ilhamlanaraq çevikliyə yönəlmiş dizayna malikdir. Başqa sözlə, kobud ərazi üzərində irəliləməyə üstünlük verən və ya əlavə edilmiş müxtəlif funksiyaları olan robot itlərdən fərqli olaraq, robot sürət və çevikliyə diqqət yetirməklə hazırlanmışdır.
Yeni robot itin çəkisi 38 kq, boyu isə 0.6 metrdir. Black Panther 2.0 dizaynının ən təsir edici cəhətlərindən biri sürəti qoruyarkən şoku udmaq üçün onun birləşmələrinə yerləşdirilən yaylardır. Dizaynın digər diqqət çəkən elementi, çəkisini bir qədər artırarkən gücü 135 faiz artıran karbon lifli ayaqlarıdır. Robot itin çitadan ilhamlanaraq 200 faiz yaxşı tutuşunu təmin edən “qaçış ayaqqabıları” da var.
