Almaniya kimi soyuq bir ölkəni qış boyu qızdırmaq üçün günəşdən istifadə etməyi planlaşdıran Bracht şəhəri, bütün il boyu hər evə 80 °C civarında isti su verəcək. Beləliklə, Almaniyanın Bracht şəhəri günəş enerjisi ilə isitmə sisteminə keçid edir deyə bilərik.
Ötən ilin mart ayında məşhur kondisioner texnologiyalarını inkişaf etdirən Viessmann ABŞ-ın kondisioner istehsalçısı Carrier Global tərəfindən alınıb. İndi bu iki şirkət Almaniyanın bir şəhərini il boyu günəş enerjisi ilə isitmə sisteminə keçirəcək. Ümumilikdə 180 bina günəş enerjisi ilə qızdırılacaq. Qaz istiliyinə bənzər bir xərc olacaq, lakin binaların təmir xərcləri sıfıra bərabər olacaq. Həm də 40 yaşdan yuxarı bir çox binaların izolyasiyasını yeniləməkdən daha ucuz hesab olunur.
Ümumiyyətlə, dünyamızı isidən günəşi doğru şəkildə istifadə etməyi bacarsaq və ondan faydalansaq il boyu isti su və istilik ehtiyaclarımızı ödəmək mümkündür. Belə ki, Almaniyanın Bracht şəhəri də bu fikri əyani olaraq sübut etmək üçün günəş enerjisi ilə isitmə sisteminə keçid etməyi planlaşırır. Əslində bu üsul daha əvvəl də istifadə olunub. Danimarkada daha əvvəllər istifadə edilən və təkmilləşən isti suyun mövsümlər arasında bir çuxurda saxlanılması üsuludur. Qeyd edək ki, bu üsul termin cəhətən Pit Storage adlandırılıb. Almanlar da oxşar sistemdən istifadə edərək öz planlarını həyata keçirəcəklər.
