Yəqin ki, hərkəs fantastik filmlərdə ağılıı silahlardan istifadə edildiyinin şahidi olub. Belə ki, bir vaxtlar yalnız fantastik filmlərdə olar dediyimiz ağıllı silah artıq real həyatda da var. Təhlükəsizlik və texnologiya şirkəti olan Biofire biometrik texnologiyalara əsaslanan yeni ağıllı silahı təqdim edib. Qeyd edək ki, yeni ağıllı silah həm barmaq izi, həm də üz-tanıma texnologiyası ilə təchiz edilib. Biofire ağılı silahı təqdim edərkən əsas məqsədin silahların uşaqlar, cinayətkarlar və digər arzuolunmaz şəxslər tərəfindən istifadəsinin qarşısını almaq olduğunu da qeyd edib. Bilirik ki, müasir dövrdə dünyadan minlərlə insan qanunsuz olaraq silah əldə edir, cinayətlər törədir və ya uşaqlar ehtiyatsızlıqdan silah ilə zərər görür. Bütün bu problemlər Biofire şirkətini yeni texnologiyaya əsaslanan ağıllı silahı yəni “Smart Gun” hazırlamağa vadar edib.
Biofire şirkətinin təqdim etdiyi ağılıı silah 5 nəfərin biometrik məlumatlarını özündə saxlaya bilir. Həmçinin Smart Gun həmişə kilidli olur, yalnız biometrik məlumatları doğru olan şəxs silahı əlinə aldıqda silah atışa hazır vəziyyətdə olur. Lakin silah sınaq zamanı bəzi problemlər ilə üzləşib. Sınaq zamanı yeni ağıllı silah 2 dəfə atəş açmayıb. Üz-tanıma texnologiyası daha sonra istifadəçinin üzünü tanıyaraq onun atəş açmasına icazə verib. Şirkətin qurucusu və icraçı direktoru Kai Klopfer bunun bəzi mexaniki hissələr ilə əlaqəli olduğunu qeyd edib. Əlavə olaraq qeyd edək ki, silah 9 mm gülləsindən istifadə edir.
Biofire şirkəti yeni silahı artıq satışa da çıxarıb. Belə ki, başlanğıc qiyməti 1500$ olan silah artıq bir çox insan tərəfindən sifariş edilib. Hətta olduqca bahalı hesab olunan Founder’s Edition modeli artıq tükənir. Ümumiyyətlə ABŞ-da əvvəllər də bəzi şirkətlər ağıllı silah təqdim etsə də, hakerlərin hücumuna məruz qaldığı üçün təhlükəli hesab edilmişdi. Lakin Biofire bu sahədə uğur əldə edən ilk şirkətdir.
