Ötən gün Çində keçirilən tədbirdə Xiaomi bir sıra yeni məhsulları, o cümlədən flaqman Xiaomi 13 Ultra modelini və Xiaomi Smart Band 8 modelini təqdim etdi. Bu ağıllı saat keçən il təqdim edilən Smart Band 7 modelinin davvamçısı olacaq. Xiaomi Mi Band 8, sələfi ilə müqayisədə bəzi nəzərə çarpacaq təkmilləşdirmələrlə gəlir. Xiaomi Band 8 eyni həb formalı dizaynı 1,62 düymlük AMOLED ekranla təhciz olunub. Cihazdakı ekran 60Hz yeniləmə tezliyi, 500 nit parlaqlıq, AOD (həmişə açıq ekran) rejimi və müxtəlif saat üzləri təklif edir. Smart Band 8 əvvəlki versiyalarında olduğu kimi 50 metrə qədər suya davamlıdır.
Smart Band 8 ilə şirkət Band seriyasında uzun illər saxladığı qayış tərzindən imtina edir. Band 8 istifadəçinin seçimindən asılı olaraq müxtəlif növ qayışlar üçün müxtəlif ölçülü başlıqlara malikdir. O, həmçinin uyğun boyunbağı aksessuarı ilə asılqan kimi istifadə edilə bilər və ya ayaqqabının bağlarına yapışdırıla bilər. Xiaomi Smart Band 8 ürək döyüntüsünün monitoru, SpO2 sensoru, yuxu izləyicisi və periodik dövrün izlənməsi ilə təchiz olunub. Cihaz həmçinin VO2 Max və stress səviyyələrini ölçə bilər. Boks rejimi ilə yanaşı Smart Band 8-də cəmi 150-dən çox idman rejimi var, o cümlədən qaçış zamanı addım tezliyini, addım uzunluğunu, yerə zərbə qüvvəsini, eniş metodunu və.s ölçə biləcək .
Xiaomi Smart Band 8 həmçinin Suduko və 2048 kimi daxili oyunlarla gəlir və öz ekranında bildirişlər və hava yeniləmələri kimi məlumatları göstərə bilər. Smart Band 8 tək şarjla 16 günlük batareya ömrü vəd edir. Məhsulun standart versiyası təxminən 34 dollara satışa çıxarıldığı halda, NFC versiyası bazara 40 dollar etiketi ilə daxil olacaq. Ağıllı saatın Azərbaycan da daxil olmaqla beynəlxalq bazara nə vaxt çıxacağı hələlik bəlli deyil. Təxminən 100 manata satılacağını deyə bilərik.
