Xiaomi, aktiv istifadə zamanı smartfonlarda istiliyin idarə edilməsini asanlaşdıran yeni Maqnit soyutma fanı təqdim edib. Beləliklə, Magnetic Cooling Clip olaraq adlandırılan bu cihaz 30Vt gücündə çalışan soyuducusu ilə diqqətləri öz üzərinə çəkib.
Oyun və digər “ağır” proqramlardan istifadə zamanı istiliyi idarə etməyi hədəfləyən bu yeni aksesuar artıq satışa çıxarılıb. Maqnit soyutma fanı 30 Vt yarımkeçirici soyuducuya malikdir. Alüminium qanadlar ilə təchiz edilən fan sahib olduğu istiqamətləndirilmiş hava axını dizaynı ilə soyutma səmərəliliyini artırır. Cəmi 25 saniyədə 0°C-ə düşə bilən temperaturları ilə diqqət çəkən bu soyutma cihazı, ideal şəraitdə -10°C-yə qədər soyuda bilir. İstifadəçilər klipin temperaturunu avtomatik tənzimləyən PID idarəetmə sistemi sayəsində asanlıqla idarə edə bilirlər.
Soyuducu fan dörd fərqli RGB işıqlandırma rejimi təklif edərək vizual fərdiləşdirmə təmin edir. Mi Home tətbiqi ilə inteqrasiya olunmuş fan istifadəçilərə temperaturu uzaqdan izləməyə və tənzimləməyə imkan verir. Maqnit quruluşu sayəsində asanlıqla smartfonlara taxılan bu aksesuar, maqnitsiz cihazlara da dəstək verir. Qeyd edək ki, cihazın qiyməti 28 dollar təşkil edir.
