Xiaomi, tezliklə mərhələli şəkildə istifadəyə verəcəyi yeni HyperOS 2 əməliyyat sistemini elan edib. Belə ki, bu əməliyyat sistemi ilə Xiaomi istidəçiləri bir çox yeniliklərə sahib olacaqlar.
Çin texnologiya nəhəngi Xiaomi dünən təşkil etdiyi tədbirdə ən yeni məhsullarını açıqlayıb. Bunlardan biri də məhz HyperOS 2 olub. Bəs HyperOS 2 istehlakçılara nə təklif edir? HyperOS 2-də bəlkə də ən cəlbedici yeniliklərdən biri, süni intellektin kilid ekranını dizayn etmək bacarığı olacaq. İstifadəçilər istədikləri tərzdə divar kağızları yada və ekranı kilidləyə biləcəklər. Xiaomi-nin yeni əməliyyat sistemi ana ekranın görünüşündə də bəzi dəyişikliklər edəcək. Xüsusilə, widget dizaynları yenilənib və daha fərdi təcrübə təklif edir. Bundan əlavə, çarpaz ekran effektləri də artıq daha fərqlidir.
Əməliyyat sistemi sadəcə dizayn olaraq deyil, həm də performans tərəfində təkmilləşdirilib. HyperOS 2 yalnız smartfonlar üçün hazırlanmış əməliyyat sistemi deyil. Xiaomi-nin planşetləri, televizorları və smart saatları da HyperOS 2-dən istifadə edəcək. Şirkətin açıqlamasına görə, yeni versiya smartfonlarda tətbiqlərin açılması gecikmələrini 54,9 faizə qədər azaldacaq. Planşetlərin çoxşaxəli funksiyalarında 24 faizə qədər performans yaxşılaşması əldə ediləcək. Qeyd edək ki, Xiaomi həmçinin sadəcə Çinli istifadəçilərə xas olan yeniliklər də təqdim edib. Bunlardan biri HyperCore oldu. Ən sadə formada HyperOS 2-nin əsasını təşkil edən HyperCore təkmilləşdirilmiş sistem performansını və sabitliyini təmin edəcək. Ümumi performans, qrafika, şəbəkə xüsusiyyətləri və cihazlarda təhlükəsizlik yaxşılaşdırılacaq.
HyperConnect cihazların bir-biri ilə qarşılıqlı əlaqəsi üçün mühüm yenilik təqdim edir. Bu texnologiya ilə istifadəçilər öz cihazları üçün real vaxt inteqrasiya imkanı əldə edəcəklər. Məsələn, telefondakı proqramı HyperConnect-dən istifadə edərək sadəcə sürükləyib buraxmaqla planşetə köçürə bilmək mümkündür.
