Xiaomi-nin yeni flaqman smartfonu Xiaomi 15 Ultra barədə yeni məlumatlar ortaya çıxıb. Belə ki, maraqla gözlənilən Xiaomi 15 Ultra modelinin xüsusiyyətləri və dizaynı məlum olub.
Bildiyiniz kimi, Xiaomi oktyabrın sonunda Xiaomi 15 seriyasının Xiaomi 15 və Xiaomi 15 Pro modellərini təqdim etmişdi. İndi isə bütün gözlər “Ultra” versiyasına tərəf çevrilib. Ötən saatlarda isə Xiaomi 15 Ultra modelinin xüsusiyyətləri və dizaynı ortaya çıxıb. Beləliklə, Xiaomi 15 Ultra modeli ön tərəfdə 120Hz yeniləmə sürəti və QHD + həlli təklif edən əyri LTPO OLED ekranına sahib olacaq. 6,73 düym ölçüsündə olan bu panelin 1-120Hz dəyişən yeniləmə sürətini dəstəkləyəcəyi də ifadə edilir. Qeyd edək ki, yeni flaqman smartfon da Xiaomi 15 və 15 Pro kimi Qualcomm-un hazırkı flaqmanı Snapdragon 8 Elite ilə təchiz ediləcək.
Qutudan Android 15 əsaslı HyperOS 2.0 interfeysi ilə çıxacaq smartfon kamera tərəfində Xiaomi və Leica əməkdaşlığı ilə hazırlanmış sensorlar ilə təchiz ediləcək. Belə ki, smartfon f / 1.63 diyaframlı 1 düymlük 50MP əsas, 50 MP 2x telefoto, 200 MP 4.3x periskop telefoto sensorlarla təchiz edilə bilər. Ön tərəfdə videozənglər və selfi üçün 32MP kamera quraşdırılacaq. Xiaomi 15 Ultra IP68 və IP69 toza və suya davamlılıq və simsiz enerji doldurma xüsusiyyətinə sahib olacaq. Batareya tərəfində isə smartfon 5 450 mAh ilə 5 800 mAh arasında bir batareya həcminə sahib olacaq. Başqa sözlə desək, flaqman smartfon bir çox rəqibindən batareya tərəfində geri qala bilər.
