Uzun müddətdir ki, ortaya çıxan xüsusiyyətləri ilə gündəmdə olan Xiaomi 15 və 15 Pro modellərinin indi kamera xüsusiyyətləri sızdırılıb. Belə ki, flaqman smartfon seriyası olduqca iddialı kamera sensorları ilə bazarda dişli rəqib olmağa hazırlaşır.
Xiaomi brendi rəsmi təqdimat tarixinə hələ aylar qalsa da yeni smartfon seriyası üçün hazırlaşmağa başlayıb. Bildiyiniz kimi, seriyanın Xiaomi 15 və Xiaomi 15 Pro modelləri daha əvvəl IMEI bazasında görünmüş, peyk bağlantısı və Titanium versiyası təsdiqlənmişdir. İndi isə Xiaomi 15 və 15 Pro modellərinin kamera xüsusiyyətləri sızdırılıb. Digital Chat Station-a görə, Xiaomi 15 və 15 Pro-nun arxa tərəfində 1/1.3 düymlük sensor ölçüsü ilə fərdiləşdirilmiş 50MP OmniVision kamerası yer alacaq. Bundan əlavə, hər iki smartfon yeni obyektiv örtüyünə sahib olacaq. Bu isə öz növbəsində parıltı və kölgə problemlərini aradan qaldırmaq üçün nəzərdə tutulub.
Qeyd edək ki, Xiaomi 15 Ultra modelinin sələfində olduğu kimi 1 düymlük sensorla təqdim edilməsi gözlənilir. Daha əvvəl, yeni flaqman smartfonları 50MP üçlü kamera qurğusuna sahib olacağı iddia edilmişdi. Xiaomi 15 Pro modelinin periskop telefoto, digər modelin isə 3x optik böyütmə ilə təchiz edilməsi gözlənilir. Hər iki smartfonda yer alan bu kamera sensorları həmçinin Xiaomi 14 seriyasında olduğu kimi makro xüsusiyyətləri təqdim edəcək. Xiaomi 15 haqqında bildiklərimiz hələlik bunlarla məhdudlaşır. Kamera xüsusiyyətlərindən əlavə olaraq isə, smartfonların ultrasəs barmaq izi skaneri və Snapdragon 8 Gen 4 çipseti ilə təchiz ediləcəyi bildirilir. Habelə, Xiaomi 15 modeli 100 Vt sürətli şarja sahib ola bilər.
