Xiaomi 13 Ultra, LEICA marka linzaları ilə ən güclü Xiaomi telefonu olaraq təqdim ediləcək. Şirkət Xiaomi 13 Ultra tədbirinin tarixini rəsmi olaraq açıqlayıb. Qlobal bazarda da satılacaq Xiaomi 13 Ultra modelinin təqdimat tarixi 18 apreldə olacaq. Şirkətin “A shot above” tədbirində Xiaomi Pad 6 ilə yanaşı IoT məhsullarını təqdim edəcəyi gözlənilir.
Xiaomi 13 və 13 Pro modellərindən sonra gələcək 13 Ultra, təkcə seriyanın deyil, bütün smartfonlar arasında ən yaxşı kameraya sahib model olacaq. Leica-nın açıqlamasına görə, Xiaomi 13 Ultra əvvəllər heç bir smartfonda olmayan unikal linzalarla təchiz edilib. Açıqlamadan əvvəl telefonun dörd sensoru 50MP Sony IMX989 əsas sensoru və 3 ədəd əlavə 50MP Sony IMX858 ilə əhatə edilən böyük dairəvi kamera modulunu görmək şansımız olacaq. Ön kamera isə 32MP təsvir ölçüsünə yüksəldiləcək. LEICA tərəfindən xüsusi gücləndirilən 1 düymlük sensor üçün yeni obyektiv, IMX989 səviyyəsində ilk dəfə dəyişkən diafraqmadan yararlanacaq. F/1.9 və F/4.0 arası dəyişən difraqma sensora düşən işıq miqdarının LEICA tərəfindən tənzimlənməsinə imkan verəcək.
Ağ və qara rəng seçimlərində təqdim ediləcək telefon, 6.7 düymlük 2K təsvir ölçülü, 120Hz yeniləmə sürəti təqdim edən Samsung şirkətinin LTPO 4.0 texnologiyasına malik E6 AMOLED ekrana sahib olacaq. Telefon üç fərqli yaddaş və saxlama variantı ilə gələcək. Qualcomm Snapdragon 8 Gen 2 prosessorlu telefon Android 13 MIUI 14) ilə gələcək. Telefonun 4900 mAs batareyası 90 vatt simli, 50 vatt simsiz sürətli şarjı dəstəkləyir.
Xiaomi 13 Ultra modelinin xüsusiyyətləri, eləcə də qiyməti tədbirdən əvvəl sızdırıldı. Xiaomi 13 Ultra Çində 6300 yuan (təxminən 915 dollar) başlanğıc qiyməti ilə satışa çıxarılacaq.
Fransız sızması olan OnLeaks resursu təqdimat tarixi açıqlanan çoxdan gözlənilən flaqman Xiaomi 13 Ultra modelinin yüksək keyfiyyətli renderlərini təqdim edib. Paylaşılan şəkillər smartfonun hansı dizayna malik olacağını açıq şəkildə ortaya qoyub. Görünür, cihaz yuvarlaq ekran kənarları, lakin düz çərçibələri və ön kamera üçün dəliyi olan ekranla gələcək. Arxa paneldəki nəhəng dairəvi kamera blokunda dörd sensor və ikili LED flaş olacaq. Xiaomi 13 Ultra-nın şüşə və metaldan hazırlanmış korpusla təqdim ediləcəyi bildirilir.
