Smartfonların arxa qapağını qalaktikaya bənzər vizual ziyafətə çevirən TECNO-nun yeni ulduzlu optik fiber texnologiyası təqdim edilib.
Bildiyimiz kimi, CES 2025 bir çox fərqli sahədə texnologiyaya ev sahibliyi etmişdi və bunlardan biri texnologiya dünyasını təəccübləndirən bir yenilik olan Ulduzlu Optik Fiber Texnologiyası idi. Bu inqilabi TECNO-imza texnologiyası smartfon dizaynına unikal yanaşması ilə diqqətləri öz üzərinə cəlb etməyi bacarmışdı. Ultra nazik optik fiberləri mini LED işıqlarla birləşdirərək yaradılan “Starry Optical Fiber Technology” telefonların arxa qapağını qalaktika kimi parlayan vizual ziyafətə çevirir.
Qeyd edək ki, Ulduzlu Optik Fiber Texnologiyası ultra nazik optik lifləri 30-dan çox detallı istehsal mərhələsindən keçirərək həyata keçirilir. Hər birinin diametri 0,125 mm olan liflər cəmi 0,7 mm enində mikro deşiklərdən keçirilir və UV yapışdırıcıları ilə bərkidilir. Bu proses telefonun arxa qapağında toxunmuş parçaya bənzər davamlı və estetik bir quruluş yaradır. Bundan əlavə, 108 mini LED işıqlar arxa qapağa inteqrasiya olunaraq optik liflərin vizual görünüşünü tamamlayır və heyrətamiz parıltı effekti yaradır.
CES 2025 sərgisində təqdim edilən bu texnologiya ilk dəfə qatlana bilən smartfonlar arasında yer alan TECNO PHANTOM V Flip2 5G modelində nümayiş etdirilib. Təkmil işıq sistemi ilə telefonun arxa qapağında heyranedici vizual təcrübə təqdim edən bu model dizaynın təkcə estetik seçim deyil, həm də funksionallığı artıran bir element olduğunu göstərirdi.
