Tecno üçə qatlanan smartfon konseptini bizlərə nümayiş edib. Belə ki, Tecno Phantom Ultimate 2 adlı üçə qatlanan smartfon konseptinin ölçüləri və hansı xüsusiyyətlərə sahib olacağı elan edilib. Maraqlısı budur ki, 6,48 düymlük ekrana sahib olan smartfon, açıldığında 10 düym ekran ölçüsü ilə planşet ölçüsünə çata bilir.
Tecno eçən il nümayiş etdirdiyi yuvarlanan ekranlı Phantom Ultimate konseptindən sonra şirkət indi üçə qatlanan və açıldığında 10 düymlük ekran ölçüsünə çata bilən Phantom Ultimate 2 konseptini rəsmi olaraq elan edib. Ümumiyyətlə, son zamanlar məşhurlaşan üçə qatlanan telefon ideyası Huawei, Xiaomi və Samsung kimi istehsalçılar tərəfindən sınaqdan keçirilir. Görünən odur ki, şirkətlər tezliklə, açıldığında daha böyük ekran sahəsi və planşetlərin funksionallığını təklif edən bu smartfonları bazara çıxarmağa başlayacaqlar.
Tecno-nun yeni üçə qatlanan Phantom Ultimate 2 konsepti qatlandıqda 6,48 düymlük ekran və açıldıqda 4:3 ekran nisbəti ilə 10 düymlük ekran ölçüsü təklif edir. Tecno iddia edir ki, Phantom Ultimate 2 həm displey sürücüsünü, həm də toxunma sensorunu bir çipdə yerləşdirən TDDI texnologiyası ilə ilk qatlana bilən cihazdır. Şirkət özünün inkişaf etdirdiyi qoşa menteşə mexanizmi sayəsində telefonun tam qatlandıqda cəmi 11 mm qalınlığa malik olduğunu bildirir. Menteşe mexanizminin 300 min bükülməyə tab gətirə biləcəyini ifadə edən Tecno, eyni zamanda bir smartfonda ən incə batareya qabını (0,25 mm) inkişaf etdirdiyini iddia edir.
Tecno bildirir ki, smartfon laptop rejimi və çadır rejimi kimi müxtəlif üsullarla istifadə edilə bilər. Multitasking rejiminə də sahib olan cihaz böyük ekranı sayəsində üç və ya daha çox proqramı eyni anda işlədə bilir. Tecno, Phantom Ultimate 2 konseptinin nə vaxt buraxılacağını açıqlamayıb. O cümlədən smartfonun istehsal versiyasının hansı qiymət etiketinə sahib olması da məlum deyil.
