Qualcomm, Snapdragon X Elite-in daha az nüvəli versiyası olan yeni Snapdragon X Plus prosessorunu təqdim edib. Xatırladaq ki, ötən ilin oktyabr ayında Qualcomm Windows kompüterləri üçün Snapdragon X Elite prosessorunu təqdim etmişdi. Güclü performansı ilə maraq doğuran prosessor tezliklə noutbuklarda da yerini alacaq. Şirkət indi daha az nüvəli versiya olaraq X Plus prosessorunu təqdim edib.
Qeyd edək ki, Snapdragon X Plus-da nüvələrin sayı 10-a endirilib. 3,4 GHz tezliyində işləyən prosessor 3,8 TFLOPs gücündə Adreno GPU və X Elite (45 TOPS) ilə oxşar gücə malik NPU-ya malikdir. Buna görə də, yüksək səviyyəli X Elite prosessorunu istisna etsək, yeni prosessorda performans baxımından çox da azalma olmadı. X Plus-ın yüksək səviyyəli X Elite ilə performans müqayisələrinə nəzər salsaq, X Elite-ın Geekbench tək nüvəli sınağında 18%, çox nüvəlidə isə 38% daha yüksək performansa sahib olduğunu görərik. GPU performansında, 4.6 TFLOPs GPU ilə ən yüksək səviyyəli X Elite, 3DMark Wild Life Extreme testində 42 fps əldə edən və 37 fps kadr sürətinə nail olan X Plus-ı üstələməyi bacarır.
Qualcomm bildirir ki, onun Snapdragon X prosessorları Apple M3 ilə müqayisədə qabaqdadır. Həmçinin şirkətin açıqlamasına görə, X Elite Geekbench testində çox nüvəli M3-dən 28% daha sürətlidir. Onun kiçik qardaşı X Plus 10% daha sürətlidir. Əlbəttə, qeyd etmək lazımdır ki, müqayisə edilən M3-ün 8 nüvəsi var. Qualcomm 12 nüvəli M3 Pro və 14/16 nüvəli M3 Max-ı müqayisəyə daxil etməyib. Snapdragon X Elite və Plus çipləri 2024-cü ilin ortalarında noutbuklarda görünməyə başlayacaq. Ona görə də deyə bilərik ki, tezliklə ARM əsaslı Windows noutbuk bazarında böyük aktivlik olacaq.
