Texnologiya nəhəngləri xüsusilə çinli smartfon istehsalçıları gün keçdikcə batareya və şarj tərəfində yeni imkanlar təklif edir. İndi isə cənubi koreyanın smartfon nəhəngi rəqibləri ilə mübarizə aparmaq üçün yeni şarj sürəti təyin edəcək. Belə ki, cənubi koreya mərkəzli Samsung öz smartfonlarında tezliklə 140 Vatt şarj sürətini dəstəkləməyi planlayır. Ümumiyyətlə hazırda smartfonların şarj sürəti durmadan artır. Xüsusilə çin istehsalı smartfonlarda 240 Vatta qədər yüksək şarj sürəti təklif olunur. Samsung isə Apple brendi kimi şarj sürəti mövzusunda mühafizəkar qərar alır. Xatırladaq ki, Apple şirkəti də bu il şarj sürətini artırmışdı.
Xatırladaq ki, samsung sonuncu dəfə 2020-ci ildə təqdim etdiyi Galaxy S20 seriyası ilə şarj sürətini 45 Vatta qədər artırmışdı. Lakin həmin dövrdən bəri şirkət şarj sürəti barədə heç bir yenilik etməmişdi. İndi isə Twitterdə (X) Revegnus adlı analitik Samsung şirkətinin xüsusi transformator tədarükçüsü olan Atum haqqında məlumat paylaşıb. Paylaşılan məlumata görə, Samsung öz portfelinə 65 Vatt və 140 Vatt şarj sürətli transformator əlavə edib. Bu transformatorların Samsung şarj cihazlarında istifadə edilib-edilməyəcəyi dəqiq olmasa analitiklər bu ehtimalın yüksək olduğuna inanır. Lakin digər tərəfindən şirkət bu şarj cihazlarını öz noutbuklarında da istifadə edə bilər.
Əslində analitiklər daha əvvəl də şirkətin yeni Galaxy S24 seriyasında 65 Vatt şarj sürətinin dəstəklənəcəyini iddia edirdi. Sonradan çıxan məlumatlar isə sadəcə 45 Vatt şarj sürətinin qoruncağını əks etdirmişdi. Bununla belə, Samsung-un Galaxy S24 seriyasında olmasa belə, gələcək smartfonlarında daha yüksək şarj sürətləri təklif edəcəyi görünür.
