Samsung brendi, bu dəfə Galaxy A55 modelini unikal Ѕ2Q000 kvant kripto çipi ilə təchiz edərək yeni Galaxy Quantum 5 modelini bizlərə təqdim edib. Belə ki, bu cihaz Cənubi Koreya bazarı üçün xüsusi olaraq hazırlanıb və sadəcə Çinin SK Telecom operatoru tərəfindən təmin ediləcək.
Orijinal Galaxy A55-dən fərqli olaraq, yeni smartfon aha yüksək səviyyəli təhlükəsizlik təklif edir. Bu, ID Quantique şirkətinin kvant şifrələməli S2Q000 xüsusi modulu tərəfindən təmin edilir. Bu çip parolların gücünü və məlumatların mühafizəsinin ümumi səviyyəsini əhəmiyyətli dərəcədə artıran təsadüfi ədədlərin yaradılması prosesi ilə təmin edilib. Texniki parametrlərə görə Galaxy Quantum 5 Galaxy A55-dən çox da fərqlənmir. Exynos 1480 çipseti ilə təchiz edilən cihaz 2340 x 1080 piksel təsvir ölçülü 6,6 düymlük 120 Hertz Super AMOLED ekrana sahib olub. Habelə, smartfonun ön kamerası 32 MP, arxa kamerası isə 50 MP, 12 MP və 5 MP sensorlu üç moduldan ibarətdir.
25 Vt şarj sürətinə sahib 5000 mAh batareyaya ilə təchiz edilən Samsung Galaxy Quantum 5 Cənubi Koreyada 465 dollar qiymət etiketinə sahib olub. Bundan əlavə, artırılmış təhlükəsizlik xüsusiyyətlərinə sahib kvant kripto çipli Samsung Galaxy Quantum 5 modelinin digər ölkələrdə satışa çıxarılıb-çıxarılmayacağı hələlik məlum deyil. İlkin olaraq isə smartfon Cənubi Koreya bazarında satışa çıxarılır. Qeyd edək ki, cihaz Anroid 14 sistemi ilə gəlir və 4 il yenilənmə əldə edəcək.
