Samsung-un ilk qarışıq reallıq qulaqlıqlarını bu ilin sonunda təqdim edəcəyi gözlənilir və ilk ağıllı eynəklərini gələn il, 2026-cı ildə təqdim edilməsi planlaşdırılır. Cənubi Koreya mərkəzli SEDaily-nin verdiyi məlumata görə, Meta-nın süni intellektlə işləyən ağıllı eynəklərinə bənzər Samsung eynəklərində ekran olmayacaq.
Samsung-un eynəklərində kamera, mikrofon və dinamiklər olacaq. İstifadəçilər bu cihazlarla foto və video çəkə, süni intellektlə işləyən köməkçi vasitəsilə suallarını cavablandıra və onları Galaxy telefonları ilə birləşdirə biləcəklər. Samsungun məqsədi Google ilə tərəfdaşlığından asılı olmayaraq məhsul ekosistemi yaradaraq ağıllı eynək seqmentində liderlik etməkdir. Məlum olduğu kimi, süni intellekt texnologiyalarının inkişafı ilə ağıllı eynəklər çox daha funksional hala gəlib. Gələcəkdə bu cihazların AR (artırılmış reallıq) displeylərini də daxil edəcəyi gözlənilir. Buna görə də, gələcək bu cihazlar üçün olduqca perspektivli görünür. Samsung-un birinci nəsil eynəklərinin hələ ekranı olmayacaqsa, Meta-nın yeni nəsil ağıllı eynəkləri Orion AR ekranı ilə seçilir.
Təfərrüatlar hələ dəqiqləşdirilməsə də, Samsung-un eynəkləri Android-i nəzərə almadan öz proqram təminatı ilə işləyə bilər. Bu, şirkətin gələcəkdə Google ilə rəqabət aparmağı düşündüyünü göstərir. Galaxy telefonları və ağıllı saatlar Google-un Pixel cihazları ilə rəqabət apardığı kimi, ağıllı eynək seqmentində də oxşar strategiya tətbiq oluna bilər. Ağıllı eynək seqmentinin hazırkı lideri olan Meta, 299 dollardan başlayan cihazları ilə Oakley və Ray-Ban ilə əməkdaşlıq edir. Apple-ın ilk ağıllı eynəklərinin də 2026-cı ildə buraxılacağı və Samsung kimi ekransız dizayn təqdim edəcəyi gözlənilir.
