Cənubi Koreya mərkəzli Samsung brendi, iyul ayında keçirəcəyi tədbirdə Galaxy Watch 7 seriyasını təqdim edəcək. Bundan əlavə, şirkət sərt şərtlərə tab gətirəcək yeni “Galaxy Watch Ultra” adlı saat da təqdim edəcək. İnternetə sızan son məlumata görə, yeni ağıllı saat Apple şirkətinin məhz ötən illərdə təqdim etdiyi Watch Ultra modelinə rəqib olacaq.
Bildiyiniz kimi, Samsung iyulun 10-da keçirəcəyi tədbirdə Galaxy Watch 7 seriyalı ağıllı saatlarını təqdim etməyə hazırlaşır. Cənubi Koreyalı texnologiya nəhəngi həmin tədbirdə “Galaxy Watch 7” və “Watch 7 Classic” modellərindən əlavə olaraq üçüncü yeni modelini təqdim edəcək. Əslində, əvvəlcə bu üçüncü cihazın Watch 7 Pro olacağı düşünülürdü, lakin internetdə ortaya çıxan son məlumatlara görə, seriyanın flaqman ağıllı saatını məhz Galaxy Watch Ultra adlandırmaq olar.
Qeyd edək ki, yeni ağıllı saat ABŞ-da SM-L705U, Koreyada SM-L705N və qlobal bazarda SM-L705F model nömrələri ilə sertifikatlaşdırılmışdır. Təəssüf ki, hazırda Galaxy Watch Ultra-nın xüsusiyyətləri haqqında məlumat yoxdur. Ancaq onun daha möhkəm və davamlı bir quruluşa sahib olacağını güman edə bilərik. Çünki seçilən ad onun sərt şərtlərə davamlı bir model olaraq buraxılacağından xəbər verir. Bundan əlavə, ağıllı saat dəqiq ölçmələr apara bilən sensorlar ilə də təchiz edilə bilər. Samsungun yeni ağıllı saatı haqqında daha çox məlumat əldə etmək üçün iyulun 10-da baş tutacaq Galaxy Unpacked tədbirini gözləməliyik.
