Bildiyimiz kimi, Samsung ötən günlərdə Azərbaycanda da yeni Galaxy S25 seriyasını təqdim edib. İndi isə yeni smartfon seriyası ilə bağlı cəlbedici bir məlumat ortaya çıxıb. Ümumiyyətlə, Samsung brendi Samsung yeni Galaxy S25 seriyasını sələfi ilə müqayisədə bir çox cəhətdən təkmilləşdirib. Yeni Galaxy S25 seriyası bəzi istifadəçilərin Galaxy S24 seriyasında şikayətləndiyi ləkəli ekran problemini də həll edir.
Keçən ilin əvvəlində təqdim edilən Galaxy S24 seriyasının ekranları parlaqlıq və rəng baxımından kifayət qədər yaxşı olsa da, bəzi istifadəçilər ekranın çox aşağı parlaqlıq səviyyələrində ləkəli və ya qumlu teksturaya sahib olduğunu söyləyərək şikayətlərini dilə gətirirdilər. Bu normal parlaqlıq səviyyələrində baş verməsə də, ekranı çox aşağı parlaqlıq səviyyələrində istifadə edən istifadəçilər üçün bezdirici bir problem olaraq görünürdü. Smartfon nəhəngi isə bu problemləri nəzərə alaraq yeni smartfon seriyasında istifadəçilərin ən böyük problemlərindən birini həll etməyə və aradan qaldırmağa çalışıb.
Beləliklə, yeni təqdim edilən Galaxy S25 seriyasında, xüsusi olaraq isə Galaxy S25 Ultra modelində bu ləkəli ekran probleminin həll olunduğunun şahidi ola bilərik. Məşhur analitik olan Ice Universe tərəfindən X platformasında paylaşılan müqayisəli fotoşəkillər göstərir ki, Galaxy S25 Ultra-nın ekranı aşağı parlaqlıqda S24 Ultra-dan daha hamar bir təsvirə malikdir. Qeyd edək ki, şəkillər Galaxy S25 Ultra-a aid olsa da, oxşar təkmilləşdirmənin seriyanın digər modellərində də baş verdiyini düşünə bilərik.
