Samsung brendinin ən çox gözlənilən yeni və incə flaqman smartfonu Galaxy S25 Edge üçün artıq çox qısa müddət qalıb. Belə ki, müddət qısaldıqca isə şirkət yavaş-yavaş ölkə ticarət məlumat bazasında yerini tutmağa başlayıb. İndi isə məhz çox qısa müddət qaldığı üçün Cənubi Koreyalı texnologiya nəhəngi Galaxy S25 Edge modelini verilənlər bazasına da daxil edib.
Hindistan Standartları Assosiasiyasına edilən müraciətə görə, Samsung Galaxy S25 Edge modeli SM-S937B nömrəsini daşıyacaq. Bu nömrə standart telefona, SM-S937B/DS isə ikili SIM versiyasına aiddir. Bildirilir ki, ikili SIM-li versiya Hindistanda satışa çıxarılacaq. Beləliklə, Cənubi Koreyalı smartfon nəhəngi Galaxy S25 Edge flaqman modelini ilk olaraq Hindistanda verilənlər bazasına daxil edərək gün üzünə çıxarıb. Qeyd edək ki, son dövrlərdə texnologiya nəhəngləri eləcə də Apple və Samsung daha çox flaqman xüsusiyyətlərə malik və ultra incə smartfon hazırlığındadır.
6,65 düymlük ultra nazik çərçivəli ekrana sahib olan Galaxy S25 Edge, Galaxy üçün Snapdragon 8 Elite ilə daha yüksək performans əldə edəcək. 5.84 mm qalınlığında olan smartfon 120Hz ekran yeniləməsi, 200MP əsas sensor və 3900mAh batareya kimi xüsusiyyətlərə sahib olacaq. Bildirilir ki, Galaxy S25 Edge aprel ayında öncədən sifariş üçün hazır olacaq və başlanğıc qiyməti 999 olaraq təyin ediləcək. Cihaz ilkin mərhələdə cəmi 40 000 ədəd istehsal ediləcək.
