Samsung-un Galaxy S25 Edge sınağı uğursuz görünür. Belə ki, yeni ortaya çıxan hesabata görə, zəif satış rəqəmləri səbəbindən Samsung, Galaxy S26 Plus-ın hazırlanmasına başlayıb. Əvvəlki hesabatlarda S26 Edge-in S26 Plus-ı əvəz edəcəyi irəli sürülürdü. Beləliklə, Samsung Galaxy S25 Edge modelinin uğursuz nəticəsindən sonra Plus modelini geri gətirməyi qərara alıb.
Yeni modelin daxili olaraq “M Plus” adlandırıldığı bildirilir. The Elec-in məlumatına görə, Samsung əvvəllər yalnız Galaxy S26 Pro (M1), Galaxy S26 Edge (M2) və Galaxy S26 Ultra (M3) üzərində işləyirdi. Bununla belə, Galaxy S25 Edge-in gözləniləndən aşağı satışları səbəbindən bu yaxınlarda M Plus adlı yeni model üzərində işə başladı. Lakin bu modelin ailəyə nə vaxt əlavə ediləcəyi ilə bağlı konkret tarix yoxdur.
Samsung-un satış məlumatlarını təhlil etdikdən sonra avqust və ya sentyabr aylarında Galaxy S26 Plus-da inkişafa başladığı güman edilir. Sentyabr-dekabr ayları arasında Samsung-un incə flaqmanı üçün planlaşdırılan istehsalı təxminən 300.000 ədəd idi. Bu rəqəm Galaxy S25 Plus üçün nəzərdə tutulan 500 000-dən azdır. Eyni dövrdə Galaxy S25 Ultra üçün istehsal planı 3,4 milyon ədəd təşkil edir. Hesabata görə, hazırda dörd fərqli OLED paneli inkişaf mərhələsindədir. Bu o deməkdir ki, Galaxy S26 seriyası dörd modelə qədər genişlənəcək. Əvvəllər buraxılmış Galaxy S26 Edge renderləri cihazın arxa dizaynının iPhone 17 Pro və Pro Max-a çox bənzədiyini göstərirdi. Samsung-un bir az daha böyük batareya və daha nazik korpusla təkmilləşdirmələr edəcəyi gözlənilir. Bununla belə, bu təkmilləşdirmələrin satışları artırıb-artmayacağı bəlli deyil.
