Samsung bu yaxınlarda Galaxy Unpacked tədbirində bəlkə də ən təsirli cihaz kimi ortaya çıxardığı Galaxy Ring ilə bütün diqqətləri öz üzərinə cəlb etmişdi. Belə ki, Cənubi Koreyalı texnologiya nəhəngi Galaxy Ring üzükləri ilə bir müddət gündəmdə qalmağı bacarmışdı. İndi isə Galaxy Ring üzüklərinin heç bir şəkildə təmir edilə bilmədiyi ortaya çıxıb və böyük mübahisələr doğurub.
iFixit-in yeni Galaxy Ring üzüyünü sökərək onun daxilində yerləşən bütün parametrləri nəzərdən keçiriblər. Yekundan isə məlum olub ki, Galaxy Ring heç bir şəkildə “təmir edilə bilmir”. Əgər üzük qırılarsa və ya batareyası problem ilə qarşılaşarsa cihazı zibilliyə atmaq lazım gələcək. iFixit vebsaytı qeyd edir ki, Oura Ring seriyalı ağıllı üzüklərdə olduğu kimi, Galaxy Ring-in də batareyasını məhv etmədən çıxarmaq mümkün deyil, bu, cihazın söküldükdən sonrakı fotosu ilə aydın şəkildə təsdiqlənir.
iFixit mütəxəssisləri “Digər müasir elektron cihazlarla müqayisədə bu, çox sadə cihazdır. Sadəlikdə pis bir şey yoxdur, amma düzəlməzlikdə səhv bir şey var. Galaxy Buds 3 kimi, Galaxy Ring də iki ildən çox işləmək üçün nəzərdə tutulmayan birdəfəlik texnoloji aksesuardır”deyə açıqma edib. Samsung son həftələrdə təmir edilməyən texnoloji məhsullar buraxan yeganə şirkət deyil. Bu həftənin əvvəlində Google rəsmi olaraq təsdiqlədi ki, Pixel Watch 3 təmir edilə bilməz. Əgər saat xarab olarsa, şirkət əvəzində yeni saat təqdim edəcəyini vəd edir. Ümid edirik ki, yaxın gələcəkdə bütün ölkələr texnoloji şirkətləri təmir edilə bilən cihazlar istehsal etməyə məcbur etmək üçün lazımi qanunları qəbul edəcəklər.
