Avropa Birliyi pasportların əl ilə möhürlənməsinin çox vaxt apardığını və icazə veriləndən artıq qalanların müəyyən edilməsinə imkan vermədiyini bildirir. Ümumiyyətlə, pasportlar əksər səyyahlar üçün şərəf nişanı hesab olunur. Belə ki, onlar səyahətlərini əbədiləşdirmək üçün bütün ölkələrin giriş-çıxışlarda pasportlara vurduğu möhürdən istifadə edirlər. İndi isə Avropa Birliyi yeni qərarı ilə pasportlara möhür vurmaq ehtiyacını aradan qaldırır, artıq hər şey elektronlaşır.
BeləliklƏ, Şengen bölgəsinə daxil olarkən pasportlara möhür vurmaq tarixdə qalacaq. Bu il 10 Noyabrdan etibarən fəaliyyətə keçməsi gözlənilən yeni Avtomatik Giriş/Çıxış Sistemi (EЕS), Avropa Birliyi üzvü olmayan ölkələrdən gələn ziyarətçiləri yadda saxlayaraq fiziki möhürü aradan qaldıracaq yəni, pasportlara möhür vurulmayacaq. Avropa Komissiyasının İmmiqrasiya və Daxili İşlər Nazirliyinin bəyanatında bildirilib ki, “EES, vaxt aparan, sərhəd keçidləri haqqında etibarlı məlumat verməyən və icazədən artıq qalanların sistemli təsbit edilməsinə imkan verməyən mövcud pasportlara möhür vurmaq sisteminin yerini alacaq”.
ЕЕЅ, üçüncü ölkədən gələn və vizadan azad edilən və ya məhdud müddətə qalma vizası verilən şəxslər üçün vtomatik məlumat sistemi olacaq. Bir şəxs hər dəfə AB-nin xarici sərhədini keçdikdə, sistem şəxsin adını, səyahət sənədinin növünü və biometrik məlumatlarını, giriş və çıxış tarixini eyni zamanda onun hansı tarixdə rədd aldığını sistem yadda saxlayacaq. Avtomatik sərhəd nəzarətinin Avropadakı təhlükəsizliyin artmasına və eləcə də giriş edənlərin sürətlə yoxlanışdan keçməsinə imkan verməsi gözlənilir. Əslində bu sistemin ilkin olaraq 2022-ci ildə fəaliyyətə başlaması gözlənilirdi. Lakin bu ilin 10 Noyabr tarixinə qədər təxirə salınan sistem nəhayət fəaliyyətə keçir.
