Samsung FE imzasından əl çəkmək bilmir. Belə ki, Cənubi Koreyalı texnologiya nəhəngi Samsung, bu dəfə Galaxy Buds FE adlı naqilsiz qulaqlığı üzərində çalışır. Hətta yeni hazırlanan naqilsuz qulaqlıq Galaxy seriyasının yeni nümayəndəsi olacaq Galaxy S23 FE ilə birlikdə təqdim ediləcək. Həmçinin Samsung Tab S9 adlı yeni planşetini də bu ilin sonuna qədər təqdim edəcək. Bildiyimiz kimi, brendin FE imzalı bütün modelləri qiymət-performans əsasında hazırlanır. Naqilsiz qulaqlıq modelinin də bu xüsusiyyətlər uyğun olacağı gözlənilir.
Hazırda yalnız 2 fərqli rəngdə mövcud olan və gələcəkdə fərqli rənglərdə də təklif olunacağı gözlənilən Samsung Galaxy Buds FE qulaqiçi versiyaya sahib olub. Bundan əlavə yeni naqilsiz qulaqlığın ikili sürücülər əsasında qurulduğu güman olunur. Həmçinin Bluetooth 5.3 əsaslı bu qulaqlı səs-küyün azaldılması funksiyasına da sahib ola bilər. Hətta bu funksiya qulaqlığın dizaynı baxımından çox yüksək səviyyədə çalışacaq. Göründüyü kimi, Samsung keyfiyyətini azaltmadan maksimum uyğun qiymətli yeni naqilsiz qulaqlıq təqdim edəcək.
Samsung təkcə naqilsiz qulaqlıq, smartfon və planşet üzrə deyil həm də ağıllı üzük üzərində çalışır. Belə ki, cənubi koreyalı nəhəngin Galaxy Ring adlı yeni modeli üçün tarix verilib. Ice Universe ləqəbli insayder yeni Galaxy Ring ağıllı üzüyünün Galaxy S24 seriyası ilə birlikdə bizlərə təklif ediləcəyini bildirib. Yəni gələn ilin yanvar ayında ağıllı üzük əlçatan olacaq. Qeyd edək ki, yeni modelin bir çox idman funksiyasına sahib olacağı da bildirilir.
