Samsung brendinin maraqla gözlənilən smartfonu Galaxy A55 5G üçün hazırlıqlar tamamlanıb və yeni smartfon tezliklə təqdim ediləcək. Ümumiyyətlə flaqman Galaxy S24 seriyasından sonra Samsung diqqətini Galaxy A qrupuna yönəltdi. Bildiyiniz kimi, bir müddətdir ki, Galaxy A55 5G modelinin yolda olduğu barədə söz-söhbətlər dolaşırdı. Bu yaxınlarda isə büdcə smartfonu Taylandın NBTC sertifikatlaşdırma saytında nümayiş etdirildi. Beləliklə, Galaxy A55 5G nə təklif edəcək?
Sertifikatlaşdırma saytından verilən məlumata görə, Samsung Galaxy A55 5G SM-A556E/DS model nömrəsinə sahib olacaq. Buradakı “DS” sözü bizə iki SİM dəstəyi olduğunu göstərir. Bundan əlavə, smartfon qutusunda EP-TA800 model nömrəli şarj cihazı ilə birlikdə gələcək. Bu isə onun 25Vt simli şark ilə birləşdiriləcəyini təsdiqləyir. Qeyd edək ki, Galaxy A55 5G modeli 120 Hz yenilənmə tezliyinə, Full HD+ təsvir ölçüsünə malik 6.5 düymlük AMOLED displeyə sahib olacaq. Habelə yeni smartfon Exynos 1480 çipsetindən güc alacaq və 8GB Ram seçimi ilə qarşımızda olacaq.
Android 14 əsaslı One UI 6.1 interfeysinə sahib olacaq Galaxy A55 5G modeli buz mavisi, yasəmən rəng seçimlərinə sahib olacaq. NFC və SD kart kimi xüsusiyyətlərə sahib olacağı ehtimal edilən Galaxy A55 5G çox yaxında qarşımızda olacaq. Smartfonu gücləndirəcək Exynos 1480-ə gəlincə, yeni çipsetin 4 ədəd 2,75 GHz performans və 4 ədəd 2,05 GHz səmərəli nüvədən dəstək alacağı gözlənilir. Bu mərhələdə 4nm istehsal prosesinə əsaslanacaq çipset, sələflərindən fərqli olaraq Mali GPU-dan istifadə etməyəcək.
