Texnologiya sahəsi durmadan inkişaf edir. Bunun ən bariz nümunəsi kimi biz 10 il əvvəl təqdim edilən smartfonlar, kameralar və televizorlar ilə müasir dövrdə təqdim edilən cihazları qarşılaşdıra bilərik. Ümumiyyətlə ekran panelləri son illərdə çox əhəmiyyətli dərəcədə inkişaf edib. Bu inkişafın ən başlıca səbəbi isə təbii ki, ekran paneli dedikdə ilk ağla gələn şirkətlərdən olan Samsung-dur. Bu gün ekran paneli bazarında lider mövqedə olan Samsung 100 min dollar qiymətə sahib olan Micro LED televizor satışa çıxarıb.
Ümumiyyətlə son dövrlərin ən yeni ekran texnologiyalarından biri məhz Micro LED-dir. Artıq AMOLED və QLED texnologiyalarından sonra Micro LED ekran panelləri bri çox istehsalçı tərəfindən istifadə olunmağa başlayıb. Bu istehsalçılardan biri də Samsung brendidir. Qeyd edək ki, koreyalı brendin ilk 89 düymlük Micro LED televizoru yerli bazarda 130 milyon von qiymət etiketi ilə satışa çıxarılıb. Xatırladaq ki, koreyalı brend ötən aylarda çində keçirilən AWE 2023 sərgisində yüksək keyfiyyətli ekrana malik yeni televizorunu sərgiləmişdi. İndi isə şirkət MNA89MS1BACXKR nömrəli modelini koreyada satışa çıxarıb. Lakin yeni televizorun qiyməti görənləri şoka salıb.
Təbii ki, yeni televizorun qiymətinin normaldan dəfələrlə baha olacağı gözlənilən idi. Lakin 100 min dollar günümüzdə bir televizor üçün çox şişirdilmiş qiymətdir. Qeyd edək ki, televizorun ən böyük xüsusiyyəti Micro LED texnologiyasına sahib olması, HDR10 və HDR10+ texnologiyalarını dəstəkləməsi və 2000 nit ekran parlaqlığında 4K keyfiyyətə malik olmasıdır. Bundan əlavə yeni televizorun 76, 101 və 114 düymlük versiyaları da satışa çıxarılacaq. Həmçinin yeni model Dolby Atmos, OTS Pro kimi səs texnologiyalarına sahibdir. Bir sözlə deyə bilərik ki, Samsung brendinin 100 min dollara təklif etdiyi televizor kinoteatr keyfiyyətində səs sisteminə və ekran panelinə malikdir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
