İspaniyaya yeni Realme GT 6 modelləri göndərən Çinli smartfon nəhəngi elan edib ki, smartfonlar oğurlanıb. Belə ki, Şirkət mayın 29-da magistral yolda baş verən oğurluq hadisəsi ilə bağlı bunları bildirib: “Hörmətli Realme ailəsi, sizdən üzr istəyirik. Realme GT 6 telefonlarımız İspaniyaya gedərkən oğurlandı. Əlimizdən gələni etsək də, smartfonları xilas edə bilmədik. Buna görə də, təqdimat həftəsində istədiyimiz mağazadaxili təcrübəni təqdim edə bilməyəcəyik”.
Qeyd edək ki, yeni Realme GT 6 modelləri 20 iyun tarixində Avropada təqdim ediləcək. Bununla belə, smartfonların Portuqaliya və İspaniyaya göndərilməsi üçün çox az vaxt mövcuddur. Smartfonlar 8/12 GB RAM və 128/256/512 GB yaddaş versiyalarına malik olub, 120 Vt dəstəkli 5500 mAh batareya ilə təchiz edilib. Xatırladaq ki, şirkət sonuncu dəfə Realme 12 modeli ilə bağlı açıqlama vermişdi. Belə ki, şirkət “Realme yüksək səviyyəli texnologiyalarla təchiz edilmiş Realme 12 Pro seriyasında kamera təcrübəsini tamamilə yeni səviyyəyə qaldırır. Bu seriyada Realme, Oskar mükafatlı kinematoqraf Klaudio Miranda ilə əməkdaşlıq edərək əsl kino kamera təcrübəsi təqdim etməyi hədəfləyir. Mirandanın görmə qabiliyyəti və ustalığı ilə işlənib hazırlanmış bu, istifadəçilərə ikonik filmlərdən ilhamlanan üç unikal filtr və təkmil tonlar, üslublar və rəng seçimləri ilə öz üslublarını əks etdirməyə imkan verir. Beləliklə, Realme 12 Pro Seriyası ilə film səviyyəli video və fotoşəkillər çəkmək mümkün olur.” deyə bildirmişdi.
Qeyd edək ki, yeni smartfon Qualcomm SM8635 Snapdragon 8s Gen 3 çipsetinə sahibdir və qrafik tərəfdə öz gücünü Adreno 735 GPU-dan alır. 50 MP, f/1.9, 26mm əsas, 8 MP, f/2.2, 16mm, 112˚ ultra geniş kamera sensorlarına sahib olan smartfon 4K keyfiyətdə 30/60fps, 1080p keyfiyyətdə 30/60/120fps video çəkiliş etməyə imkan verir. Habelə, smartfon 32 MP, f/2.5, 22mm selfie kamerasına sahibdir. Hələlik isə onun qiyməti təqdimat tədbiri olmadığı üçün açıqlanmayıb.
