Bildiyiniz kimi, bu gün əksər istifadəçilər inkişaf edən sürətli enerji doldurma texnologiyalarına heç də həvəs göstərmirlər. Lakin şarj doldurma sürətləri hər ötən gün artmağa davam edir. Bu baxımdan, iPhone 15 seriyası sadəcə 27Vt-da qalarkən, Android tərəfində 240Vt-ı aşan dəyərləri görməyə başlamışıq. Nəhayət, Çinli texnologiya nəhənglərindən biri olan Realme 300Vt sürətli şarj texnologiyasının təqdimat tarixini açıqlayıb.
Beləliklə, Realme şirkəti bu gün rəsmi olaraq elan edib ki, 300Vt sürətli enerji doldurma texnologiyası avqustun 14-də təqdim olunacaq. Çin istehsalçısına görə, yeni şarj həlli 2023-cü ilin fevralında təqdim edilən 240 Vt sürətdən bəri ən böyük “texnoloji sıçrayış”dır. Xatırladaq ki, brendin ən son GT5 və GT Neo 5 modellərində 240Vt sürətli şarjdan istifadə edilib və ilk dəfə şarj müddəti 10 dəqiqədən aşağı düşüb. Qeyd edək ki, şirkət yeni 300W sürətli enerji doldurma texnologiyasının təfərrüatlarını qeyd etməyib. Bununla belə, şarj müddətinin 5 dəqiqə və ya daha az azalacağı gözlənilir.
Realme bu sahədə kifayət qədər iddialı olsa da, Redmi hazırda smartfonlar üçün 300Vt enerji doldurma texnologiyasını nümayiş etdirən yeganə brenddir. Əslində, nümayiş etdirilən smartfonların 0-50%-dən üç dəqiqədən az vaxta doldurulacağı, beş dəqiqədən az müddətdə isə tam doldurulacağı bildirilib. Bununla belə, elanından təxminən 18 aya yaxın vaxt keçməsinə baxmayaraq, biz bunu hələ bazara təqdim edilmiş bir cihazda görə bilməmişik. Sürətli enerji doldurma xüsusilə hərəkətdə olan istifadəçilər üçün danılmaz bir rahatlıq olsa da, həddindən artıq istiləşmə və batareyanın sağlamlığı kimi suallar doğurur. Buna görə də 300Vt sürətli şarj texnologiyasına sahib olacaq cihazların səmərəli soyutma həlləri təklif etməsi də qaçılmaz olacaq.
