Apple şirkətinin qatlanan ekrana sahib olan iPhone modeli barədə yeni məlumatlar ortaya çıxıb. Belə ki, qatlanan iPhone modelinin Galaxy Flip əvəzinə Galaxy Fold kimi dizayna sahib olması gözlənilir.
Ümumiyyətlə, qatlanan smartfon bazarında olduqca geridə qalan Apple, hələ də özünün tam hazır hiss etmir. Buna görə də, uzun müddətdir ki, qatlana bilən iPhone-un nə vaxt çıxacağından danışılır və indiyə qədər yalnız bəzi “təxmin edilən” xüsusiyyətlər paylaşılır. İndi isə məşhur analitik Ross Young, qatlanan iPhone modelinin Galaxy Fold tərzində dizayna keçid etdiyi açıqlayıb.
Bu yaxınlarda qatlanan iPhone ilə bağlı bəzi neqativ xəbərlər gündəmə gətirilmişdi. Belə ki, Apple şirkətinin 2025-ci ilin sonlarında qatlanan iPad, daha sonra isə 2027-ci ildə ilk Flip tipli qatlana bilən iPhone təqdim etməyi planlaşdırdığı paylaşıldmışdı. Bununla belə, Apple-ın planı bundan çox fərqli ola bilər. Ekran analitiki Ross Young, ilk qatlana bilən iPhone modelinin Galaxy Z Fold-a bənzər daha böyük, kitab tərzində dizayn sahib olacağını iddia edib. Bu dəyişikliyin səbəbi hələlik açıqlanmayıb. Bununla belə, mövcud məlumatlar istehlakçıların bu gün daha böyük qatlana bilən cihazlara müraciət etdiyini göstərir. Buna görə də, Apple “Qatlama” forma faktoru ilə daha premium model planlaşdıra bilər.
Aydın olan odur ki, Apple-ın qatlana bilən bazara daxil olma vaxtı kritikdir. Belə ki, qatlanan smartfon bazarında satışlar son bir neçə il ərzində sabit artım yaşasa da, 2023 və 2024-cü illərdə bir qədər yavaşlama müşahidə edilib. Analitiklər bildirirlər ki, Apple bazara daxil olarsa, 30% artım ola bilər.
