Bu gün Samsung brendinin qatlana bilən modelləri əfsanəvi seriyası olan Galaxy Note-u ötərək liderliyi ələ alıb. Bildiyimiz kimi, Galaxy Note seriyası koreyalı brendin ən köklü seriyalarındandır. İndi isə vəziyyət biraz fərqlidir. Smartfon bazarında inqilabi yeniliyə səbəb olan qatlanan bilən smartfonlar bu gün satış rekordu qırır. Hətta bu smartfon modelləri o qədər diqqət cəlb edib ki, koreyalı texnologiya nəhənginin Galaxy Note seriyasını da keçib. Avropa bazarında qatlana bilən samsung smartfonları liderlik edir.
Xatırladaq ki, Samsung brendinin Galaxy Note seriyası ilk dəfə 2011-ci ildə debüt etmişdi. Lakin Galaxy Note 20 modeli ilə koreyalı texnologiya nəhəngi bu seriyaya son qoymuşdu. Artıq iki ildir ki, yenilənməməsinə baxmayaraq bu seriya avropada hələ də satılırdı. İndi isə qatlana bilən yeni flaqman Samsung modelləri Galaxy Note seriyasının satış göstəricisini geridə qoyub. Bildiyimiz kimi, Samsung brendinin Galaxy Z Fold 5 və Z Flip 5 modelləri ötən il təqdim edilmişdi. Təqdim edildikdən bir neçə gün sonra isə yeni flaqman smartfonlar avropada satışa çıxarılmışdı. Məhz bundan sonra isə qatlana bilən smartfonlara olan tələbat artmışdı.
Qatlana bilən Samsung smartfonları hələ də satılır. Belə ki analtiklər bu modellərin satışlarının bu il 10 milyonu ötəcəyini iddia edir. berlində keçirilən IFA 2023 sərgisində çıxış edən Benjamin Braun bildirib ki, qatlana bilən flaqman modellər inanılmaz sürətlə satılır. İllik satışlara əsasən bu göstərici artıq Galaxy Note seriyasını ötüb. Xüsusilə avropalı istifadəçilər Galaxy Z Flip 5 modelinə böyük maraq göstərir. Ümumiyyətlə qatlana bilən smartfonlar bu il böyük diqqət cəlb edib. Məhz buna görə də bir çox brend yeni qatlana bilən smartfon təqdim edib. Hətta Apple belə qatlana bilən smartfonlar ilə bağlı addım atıb.
