Artıq bir çox smartfon nəhəngi öz flaqman cihazları üçün daha uzun müddət Android yenilənmələri təklif edir. Lakin smartfon bazarında olduqca əhəmiyyətli paya malik olan OnePlus şirkəti smartfonlar üçün 7 illik Android yenilənmələrini mənasız hesab edir və şirkət bunu dəstəkləmir. Daha dəqiq desək, şirkət Google və Samsung-un söz verdiyi kimi, yeddi il ərzində Android yeniləmələrini buraxaraq smartfonlarını dəstəkləməyə hazır deyil.
Ümumiyyətlə şirkət düşünür ki, yalnız daha uzun müddət proqram təminatı dəstəyi təklif etməyin mənası yoxdur. İstifadəçi üçün vacib olan təkcə proqram təminatının yenilənməsi deyil, həm də smartfonun istifadə qabiliyyətidir. OnePlus şirkətinin prezidenti bildirir ki, “Telefonunuzu sendviç kimi düşünün. Bəzi istehsalçılar indi iddia edirlər ki, sendviçlərinin tərkibi yəni telefonların proqram təminatı bundan 7 il sonra hələ də dadlı olacaq. Amma onlar demirlər ki, sendviçin içindəki çörəyin yəni istifadəçi təcrübəsində dörd il ərzində kif ola bilər, yəni texniki zəifləmələr performans itkisi yarana bilər”.
OnePlus sadəcə hesab edir ki, yeddi il ərzində smartfonun aparat xüsusiyyətləri bütün yeni proqram xüsusiyyətlərini tam dəstəkləmək üçün çox köhnələcək. Hələ heç kim yeddi illik dəstək verməsə də, uzun müddətdir beş illik iOS yeniləmələrini təqdim edən Apple nümunəsi, ümumiyyətlə, bu mövzuda xüsusi problemlərin olmadığını göstərir. Bundan əlavə, OnePlus prezidenti qeyd edir ki, yeddi il istənilən smartfonun batareyası üçün çox uzundur. Yəni cihazı yeddi il istifadə etmək üçün mütləq batareyanı ən azı bir dəfə, hətta iki dəfə dəyişmək lazım gələcək və bu, həmişə xərc baxımından məna kəsb etmir. Nəticə etibarı ilə OnePlus şirkətinə görə 7 illik Android yenilənmələrini təklif etmək mənasızdır və şirkət bunu təklif niyyətində deyil.
