OnePlus, bu ayın sonunda Çində yeni kompakt flaqman modeli olan OnePlus 15T-ni təqdim etməyə hazırlaşır. Təqdimatdan əvvəl şirkət cihazın bəzi əsas xüsusiyyətlərini təsdiqlədi və onu təkmilləşdirilmiş periskop telefoto kamerası olan kompakt flaqman kimi təsvir etdi. İndi isə şirkət rəhbəri ekran haqqında yeni məlumatlar paylaşıb.
Li Jie, Çinin sosial media platforması Weibo-da OnePlus 15T-nin ekranını göstərən bir şəkil paylaşıb. Şəkildə OnePlus 15T-nin çərçivə qalınlığı iPhone 17 Pro ilə müqayisə edilir. Li Jie-nin sözlərinə görə, 15T kompakt telefonlar arasında ən nazik çərçivələrə sahib olacaq. Rəhbər bu nazikliyə yeni çip səviyyəli qablaşdırma prosesi və OnePlus tərəfindən hazırlanmış bəzi xüsusi ekran texnologiyaları sayəsində nail olduqlarını bildirir. Məlumatlara görə, OnePlus 15T 1.5K çözünürlüğe və 165Hz yeniləmə sürətinə malik 6.32 düymlük OLED ekranla təchiz olunacaq. Həmçinin ekranın altında ultrasəs barmaq izi oxuyucusu da olacaq. Selfilər üçün 32 meqapiksellik ön kameraya sahib ola bilər.
Arxa kamera quruluşuna ya 200 meqapiksellik Samsung HP5, ya da 50 meqapiksellik Sony IMX906 əsas kamerasının daxil ediləcəyi deyilir. Periskop telefoto kamerasının 50 meqapiksellik Samsung JN5 sensorundan istifadə edəcəyi gözlənilir. Snapdragon 8 Elite Gen 5 çipset ilə təchiz ediləcəyi gözlənilən cihazın 7500 mAh batareyaya sahib olduğu deyilir. Həmçinin Plus Key-in daxil ediləcəyi və IP68/69 reytinqli toza və suya davamlı korpusa sahib olacağı gözlənilir.
