Beləliklə, Oppo brendinə tamamilə inteqrasiya edilmiş OnePlus brendi özünün 12-ci seriyasını rəsmi olaraq anons edib. Çində baş tutan təqdimat tədbiri timsalında OnePlus 12 modeli sələfinin dizayn konseptini qoruyan, lakin bir çox təkmilləşdirmələr gətirən smartfon kimi çıxış edir.
Smartfonun dizaynı barəsində danışacaq çox söz olmasa da incə detallarda “Time Design” adlı bir düzəliş var. Ənənəvi qıvrımlı ekrana malik dizayn üslubu özünü ön tərəfdə standart bir şəkildə göstərir. OnePlus 11 modelindən OnePlus 12 modelinə keçid etdikdə smartfonun ön tərəfindəki əsas dəyişiklik selfi kamerasının mərkəzə yerləşdirilməsidir. Bu vaxta qədər flaqman cihazlarında sol üstə yerləşdirilmiş selfi kamerasından istifadə edən brend artıq bundan imtina edir. Kənar tərəflərinə baxdıqda isə sürüşdürməli bildiriş düyməsinin varlığını görürük.
Smartfonu arxa tərəfinə çevirdikdə isə dairəvi kamera modulu yenə sələfindəki üzərinə təkmilləşdirilmiş, lakin bu dəfə “Time Design” konsept elementlərini özündə əks etdirir. Bu dizayn konsepti OnePlus-ın indiyə sahib olduğu ən minimalist detallara malikdir. Böyük bir ehtimalla bu elementlərin hər biri üçün də Oppo şirkətinə borcluyuq. Ötən il Oppo Find X6 Pro modelini xatırlayırsınızsa, brendin incə dizayn detallarına çox önəm verdiyini az-çox təxmin edirsiniz.
OnePlus 12, ön tərəfdə 3216 × 1440p 2K+ təsvir ölçüsü ilə 6,82 düymlük qıvrımlı ekrana malikdir. BOE Oriental OLED ekran paneli LTPO 3.0 əsaslı 1-120Hz adaptiv yeniləməni dəstəkləyən 120Hz panelə malikdir. 4500 nit pik parlaqlıq, 10-bit rəng dərinliyi, HDR 10+ və Dolby Vision sertifikatları dəstəyi ilə ekran smartfonun vizual təcrübələrində yeni standart müəyyən edir.
Kamera həvəskarları üçün deyə bilərik ki, OnePlus 12-nin arxa tərəfində üçlü kamera konfiqurasiyası mövcuddur. Buraya 50 MP Lytia 808 sensorundan güc alan əsas kamera, 64 MP 3 qat optik yaxınlaşdırma qabiliyyətli periskop obyektiv və 48 MP IMX581 sensoruna əsaslanan ultra geniş bucaqlı (makro) obyektiv daxildir. OnePlus Open ilə bənzər kamera konfiqurasiyasına sahib cihazın əsas kamerası OIS ilə gücləndirilib. Selfi kameramız isə 32 MP olub, 4K@30FPS video qeydləri dəstəkləyir. Bu hissədə arxa kameramızın 4K@60FPS dəstəklədiyini də əlavə edə bilərik.
OnePlus 12, LPDDR5X və UFS 4.0 ilə birləşdirilmiş Snapdragon 8 Gen 3 çipseti ilə təchiz edilib. OnePlus 12, 100 Vatt sürətli doldurmanı, 50 Vatt simsiz sürətli doldurmanı və 10 Vatt simsiz tərs sürətli şarjın uzunmüddətli versiyasını dəstəkləyən əhəmiyyətli 5400 mAs batareyaya malikdir. Rəsmi açıqlamalara görə, cihazı cəmi 26 dəqiqə ərzində 1%-dən 100%-ə qədər doldurmaq olur. 9,15 mm qalınlığı və təxminən 220 qram çəkisi ilə OnePlus 12 “Ultra Linear Stereo Dual Dinamiklər”, eyni zamanda IP65 su və toza dayanıqlılıq, Bionic Vibrasiya Motor Turbo, Bluetooth 5.4 və Wi-Fi 7 kimi mühüm xüsusiyyətlərə malikdir.
Smartfonun qiyməti
Cihazın Çin üçün başlanğıc qiyməti 12-256GB yaddaş variantı üçün 607 dollar təşkil edir. 2024-cü ilin yanvar ayında isə OnePlus brendinin yeni modeli qlobal bazar üçün əlçatan olacaqdır.
