Artıq bir neçə ildir ki, yeni smartfon və qulaqlıq modellərini fərqli dizayn üslubunda bizlərə təqdim edən Nothing brendinin yeni smartfonu barədə detallar məlum olub. Belə ki, yeni təqdim ediləcək Nothing Phone(3) artıq yavaş-yavaş gün üzünüə çıxmağa başlayıb. Nothing brendi artəq maket şəkillərdə yeni smartfon modelinin dizaynından istifadə edir.
Ağıllı smartfon bazarına sürətlə daxil olan keçmiş OnePlus rəhbəri Carl Pei 3 ildən az müddətdə 3 Nothing modeli təqdim etməyə nail olub. İndi isə Nothing Phone (3) üçün gözləntilər davam edərkən Carl Pei maraqlı paylaşım edib. Məhz maket şəkilində yeni dizayndan istifadə olunması Nothing həvəskarlarının diqqətini çəkib. Nothing OS 3 yeniləməsi ilə gələcək bildiriş və sürətli parametrlər pəncərələrini təqdim edən Carl Pei, arxa planda yeni smartfonun dizaynından istifadə edib. Belə ki, istifadə edilən smartfon dizaynı daha əvvəl təqdim edilən Nothing Phone (1) və ya Nothing Phone (2) modelindən bir qədər fərqli idi.
Bəzi diqqətli istifadəçilər isə sağ kənarda action düyməsinə bənzər bir düymənin olduğunu müəyyən ediblər. Bundan əlavə, güc və səs düymələri bir qədər yuxarıda yerləşdirilib. Bəzi mənbələr Nothing Phone(3) modelinin bu dizayn əsasında hazırlanacağını düşünür, lakin hələlik bu barədə dəqiq məlumat mövcud deyil.
