CMF brendi altında giriş səviyyəli telefonlar istehsal edən Nothing, öz brendi altında ilk büdcə dostu smartfonunu təqdim edib. Nothing Phone (3a) Lite, CMF Phone 2 Pro ilə çox oxşar xüsusiyyətlərlə buraxılıb. İki telefon arasındakı ən əhəmiyyətli fərq, Nothing Phone (3a) Lite-də telefoto kameranın olmamasıdır. Dizayn baxımından cihaz Nothing-in imzasına çevrilmiş şəffaf şüşə dizaynına və bildirişlər üçün tək bir Glyph işığına malikdir.
Telefon 6.77 düymlük FHD+ AMOLED ekrana malikdir. Panel 120Hz yeniləmə sürətinə, 800 nit tipik parlaqlığa və 3000 nit pik parlaqlığa çata bilər. Panda Glass ilə qorunan ekranda barmaq izi oxuyucusu və 16MP selfi kamerası var. MediaTek Dimensity 7300 Pro prosessoru ilə işləyən iPhone (3a) Lite, 8GB RAM və 256GB-a qədər yaddaş təklif edir. Cihazın yaddaşı microSD kart yuvası vasitəsilə genişləndirilə bilər. Arxa tərəfində, OIS ilə 50MP əsas kamera (24mm), 8MP ultra geniş bucaqlı kamera (15mm) və 2MP makro kamera var. Batareya 5000mAh tutuma və 33W sürətli şarj dəstəyinə malikdir.
Telefon qutudan çıxdıqdan sonra Android 15 əsaslı Nothing OS 3.5 ilə gəlir. Nothing bu model üçün üç əsas Android yeniləməsi və 6 illik təhlükəsizlik yeniləmələri təmin edir. Beləliklə, son dövrlərin ən çox məşhurlaşan brendlərindən biri olan Nothing artıq sadəcə premium deyil büdcə dostu smartfonu ilə də müştəri kütləsini artırmağa və bununla da daha çox populyarlaşmağa çalışır. Qeyd edək ki, Nothing Phone (3a) Lite iki rəngdə təqdim olunur: Qara və Ağ. 128GB versiyası Avropada 249 avroya, 256GB versiyası isə 279 avroya təklif olunur.
