Yaxın günlərdə təqdim edilməsi gözlənilən Nothing Phone 2 modelinin canlı görüntüsü təqdimatdan əvvəl ortaya çıxıb. Qeyd edək ki, OnePlus şirkətinin qurucularından biri olan Carl Pei tərəfindən əsası qoyulan Nothing brendinin ikinci smartfonu Nothing Phone 2 iyulun 11-də təqdim ediləcək. Lakin artıq smartfonun bir çox xüsusiyyəti, qiyməti, o cümlədən canlı görüntüsü məlum olub. Özünəməxsus dizaynı ilə bütün diqqətləri öz üzərinə çəkən şirkət indiyə qədər bir çox məşhur şirkətlərdən 96 milyon dollar investisiya əldə edib.
Qeyd edək ki, Nothing Phone 2 modelinin canlı görüntüsü YouTube platformasındakı Marques Brownlee adlı şəxs tərəfindən ortaya çıxarılıb. Belə ki, videonun sonunda Brownlee yeni smartfonun dizaynını ətraflı şəkildə göstərib. Beləliklə smartfon brendin ilk modelinə bənzəyir. Lakin bu dəfə Nothing arxa tərəfdəki Led işıqları daha da təkmilləşdirib. Həmçinin vizual olaraq Led işıqlar daha fərqli görünüş əldə edib. Həmçinin simsiz doldurma portunun üzərindən keçən LED işıqlandırma da bir neçə hissəyə bölünür. Bu, istifadəçiyə orijinal işıq effektləri yaratmağa və Glyph interfeysini daha fərdiləşdirilə bilən etməyə imkan verəcək.
Bundan əlavə ötən günlərdə Carl Pei tərəfindən smartfonun qiymətləri təsdiqlənmişdi. Beləliklə iyulun 11-də təqdim edilməsi gözlənilən smartfon Avropada 729 avro başlanğıc qiyməti ilə satılacaq. Bu qiymət yeni smartfonun 8-256GB versiyası üçün keçərlidir. 12-512GB versiya isə sadəcə 849 avroya təklif ediləcək. Maraqlısı budur ki, yeni smartfon 8-128GB versiyaya malik olmayacaq. Lakin Nothing Phone (1) modeli 8-128 yaddaş seçimi ilə 469 avroya təklif olunmuşdu. Yekun olaraq deyə bilərik ki, Nothing Phone (2) modelinin qiyməti sələfindən 2 dəfə baha olacaq.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
