Ear (2) markanın yeni, “premium” ANC (səs-küy azaldan) simsiz qulaqlıqlarıdır. Bu qulaqlıqları 2021-ci ildə buraxılmış Nothing Ear (1)-in növbəti nəsli kimi düşünə bilərsiniz, çünki onlar demək olar ki, eyni görünürlər. Hər iki qulaqcıq şəffaf dizayna malikdir və az-çox Apple AirPods Pro modellərinin xatırladır. Bununla belə, Ear (2) daha yaxşı səs, daha güclü səs-küy azaltma, daha uzun batareya ömrü, daha yaxşı davamlılıq və bir çox cihazı eyni anda dəstəkləyən Bluetooth bağlantısı kimi yeni funksiyalar vəd edir.
Nothing Ear (2) qulaqlıqları Ear (1) qulaqlığında gördüyümüz demək olar ki, eyni 11,6 mm drayverləri ehtiva edir. Bununla belə, Nothing-ə görə, onlar “daha təkmilləşdirilmiş axın ilə ümumi səs keyfiyyətini yaxşılaşdıran yeni iki kameralı dizayna” malikdirlər.
Daha böyük fərq odur ki, Ear (2) özünüz üçün fərdi səs profili yaratmağa imkan verir. Qulaqlığın xüsusi proqramı sizi təxminən beş dəqiqə çəkən eşitmə testindən keçirir. Hər qulaqda müxtəlif siqnal səsləri eşitdiyiniz zaman düyməni basırsınız və sonra işlətdiyiniz zaman eşitdiyiniz bütün musiqilər qulaqlarınız üçün daha yaxşı uyğunlaşdırılır. Ear (2)-nin xüsusiyyətlərindən biri də onun 24 bit/192 kHz-ə qədər yüksək ayırdetmə qabiliyyətinə malik LHDC 5.0 kodek texnologiyasını dəstəkləməsidir. Bu xüsusiyyət də simsiz qulaqlıqlar üçün demək olar ki, tez-tez görmədiyimiz texniki imkanlardan biridir.
Lakin qulaqlıqlarda bu kodeksi dəstəkləyən musiqiləri dinləmək də asan iş deyil. Çünki, yararlanmaq üçün sizə LHDC 5.0-ı dəstəkləyən smartfon lazımdır. Hal-hazırda, onu dəstəkləyən yalnız bir neçə Android smartfon var. Məsələn, flaqman OPPO və OnePlus telefonları, eləcə də Nothing Phone (1) modeli bu imkana malikdir.
Modelin satışına 28 martdan etibarən başlanılacaq. Qiyməti isə 149 dollardır. Bu qiymət Ear (1) qulaqlıqlarının son 6 aydakı qiyməti ilə eynidir. Lakin, Ear (1)-in ilk satışa çıxarıldığı qiymətlə eyni deyil. Çünki Ear (1) 99 dollara satışa çıxarılmışdır. Daha sonra Nothing modelin qiymətini 149 dollara artırdı.
