Kosmosda mütəmadi olaraq araşdırma aparan Nasa bu araşdırmaları daha da təkmilləşdirmək üçün robotlardan istifadə etməyi planlayır. Belə ki, NASA kosmosdakı araşdırmalarında istifadə edəcəyi insanabənzər robotları artıq sınaqdan keçirir. Hətta NASA robotları sınaq üçün Avstraliyaya göndərib. Ümumiyyətlə qurum kosmosa göndərmədən əvvəl bütün cihazları, kosmik gəmiləri hətta astronavtları da sınaqdan keçirir. Bunun üçün müxtəlif yerlərdə qurumun sınaq mərkəzləri də mövcuddur.
NASA insanabənzər Valkyrie robotları üçün sınaq mərhələsinə başlayıb. Bunun üçün qurum robotları Houstandakı Johnson Kosmos mərkəzindən Avstraliyadakı Woodside Energy şirkətinə göndərib. Qeyd edək ki, insanabənzər bu robotlar astronavtlara missiyaların yerinə yetirilməsində kömək edəcək. Bunun üçün də robotlar geniş sınaq mərhələsindədir. Sınaq zamanı robotlar ekipajsız və açıq dənizdəki enerji obyektlərinə uzaqdan texniki xidmət göstərəcək. NASA ümid edir ki, açıq dənizdə aparılan bu sınaq mühəndislərə kosmos şəraitində robotların qarşılaşacağı çətinlikləri və təhlükəni nəzərə almağa kömək edəcək. Yəni sınaqdan sonra bu robotlar daha da təkmilləşdiriləcək.
Qeyd edək ki, yeni Valkyrie robotlarının fəaliyyətlərinə həmçinin yeni məhsullar istehsal etmək, resurs və materiallardan istifadə edərək obyektlərin yoxlanılması da daxildir. Həmçinin yeni robotlar insanların təhlükəli işləri uzaqdan yerinə yetirməsinə kömək olacaq. Bununla da insan həyatının təhlükəsizliyi təmin olunacaq. Beləliklə insanabənzər robotlar sınaqdan keçirildikdən sonra kosmik gəmilərdə, o cümlədən kosmosdakı digər obyektlərdə istifadə olunacaq. Gələcəkdə isə NASA bu robotlar vasitəsi ilə daha çox missiya yerinə yetirə bilər.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
