Samsung, Honor və Xiaomi kimi mobil cihaz brendlərinin istifadə etdiyi klaviatura tətbiqlərində böyük risk aşkarlanıb. Belə ki, milyonlarla istifadəçi tərəfindən istifadə edilən mobil klaviaturalar şifrələrinizi ifşa edə bilər. Ümumiyyətlə, son dövrlərdə texnologiya həvəskarları öz cihazlarında mobil klaviaturalardan istifadə etməyə məcbur olub. Bununla belə, tətbiqlərin sistemlə qarşılıqlı əlaqəsində böyük risklərin olduğu ortaya çıxıb.
Citizen Labs tərəfindən aparılan araşdırmalara görə, mobil proqramlar istifadəçilərin basdıqları düymələri sistemə şifrələnməmiş düz mətn şəklində ötürür. Bu ötürmə zamanı isə kənardan müdaxilə edərək məlumatları oxumaq mümkündür. Təhlükəsizlik tərəfində olan bu boşluq Tencent (QQ Pinyin), Baidu (IME), iFlytek (IME), Samsung (Android Keyboard), Xiaomi (Baidu iFlytek və Sogou istifadə edir), OPPO, Vivo və Honor kimi brendlərin mobil klaviaturalarında aşkar edilib. Bu isə yekundan 1 milyarddan çox istifadəçi deməkdir.
Maraqlısı budur ki, araşdırmada yalnız Huawei-nin klaviaturalarının təhlükəsiz olduğu aşkar edilib. Google və Apple klaviaturaları bulud əsaslı ünsiyyət xüsusiyyətlərinə malik olmadığı üçün təhlil edilə bilməyib. Qeyd edək ki, istehsalçılar təhlükədən yalnız aprelin 1-dən xəbərdar olublar. Məhz bu çərçivədə Honor və Tencent mobil klaviaturalar ilə bağlı yenilənmə təqdim edəcək. Lakin, digər texnologiya nəhəngləri məsələ ilə bağlı açıqlama verməyib. Bundan əlavə, indiyə qədər hansı istifadəçilərin məlumatlarının ifşa olub-olmadığı da məlum deyil.
