Nəhayət Xiaomi brendinin maraqla gözləniləm MIUI 15 interfeysi barədə yeni xüsusiyyətlər və interfeysin loqosu ortaya çıxıb. Uzunmüddətdir insayderlər Android 14 əsaslı yeni MIUI 15 barədə iddialar irəli sürsə də, Xiaomi brendindən heç bir açıqlama və ya məlumat verilməmişdi. İndi isə yeni interfeysin rəsmi loqosu və bəzi xüsusiyyətləri ortaya çıxıb. Beləliklə MIUI 15 tamamilə yeni istifadəçi interfeysinə sahib olacaq.
Yeni ortaya çıxan məlumatlara əsasən MIUI 15 interfeysi yenilənmiş idarə panelinə və səs gücləndirmə funksiyalarına sahib olacaq. Bundan əlavə yen interfeysdə artıq daha sadə nişanlar görmək olacaq. Xiaomi yeni interfeysdə daha çox sadəliyə önəm verib. Lakin buna baxmayaraq yeni interfeys animasiya effektləri tərəfində də bəzi təkmilləşdirmələr əldə edəcək. Bundan əlavə yeni interfeysə əlavə ediləcək funksiyalar şəkillərin və digər faylların paylaşılmasını daha əlverişli hala gətirəcək. Həmçinin səs tərəfində də yeni interfeys 200% daha çox təkmilləşəcək. Təbii ki, xiaomi təhlükəsizlik və digər məsələləri də təkmilləşdirəcək.
Əlavə olaraq qeyd edək ki, Xiaomi brendi yeni qatlanan bilən smartfon modeli olan Mix Fold 3 üçün təqdimat tarixi elan edib. Beləliklə brendin yeni qatlana bilən smartfonu 14 avqust tarixində təqdim olunacaq. Artıq təqdimatın posterləri də yayılıb. Yeni Mix Fold 3 modeli nazik və qüsursuz korpusu, özünəməxsus dizaynı və performansı ilə diqqətləri cəlb etməyi bacaracaq. Hətta kamera tərəfində də yeni cihaz Samsung brendinin flaqman Galaxy Z Fold 5 modelini ötəcək.
