Logitech yeni MX Mechanical və MX Mechanical Mini klaviaturalarını təqdim edib. Markanın digər mexaniki klaviaturalarından fərqli olaraq yeni klaviaturalar proqram tərtibatçıları üçün hazırlanıb. Təqdim edilmiş yeni MX Master 3S siçanı isə bizə daha əvvəldən tanış olan MX Master 3 siçanının daha təkmilləşmiş versiyasıdır. Şirkət yeni məhsullarını rəsmi YouTube hesabında təqdim edib.
Yeni MX mexaniki klaviaturaları hansı yeniliklərə malikdir?
Logitech markası yeni MX Mechanical klaviaturası ilə yanaşı G seriyası oyun klaviaturaları və retro-modern Pop Keys klaviaturalarına sahibdir. G və Pop Keys seriyaları özünəməxsus xüsusiyyətlərə malikdir. Belə ki, G seriyasının klaviaturaları oyun həvəskarlarının yüksək performansda rahat oyun oynaya bilmələri üçün dizayn edilmişdi. Pop Keys klaviaturaları isə dəyişilə bilən düymələrə sahibdir. Logitech yeni MX Mechanical klaviaturalarını proqram tərtibatçıları və ya peşəkarlar üçün hazırladığını qeyd edir.
Logitech yeni MX Mechanical klaviaturasında istifadəçilərin rahatlığına daha çox önəm verib. Belə ki, istadəçilərin düymələri rahat ayıra bilməsi üçün 2 rəng tonundan istifadə olunub. İstifadəçilərin əl və biləklərinin daha rahat olması üçün düymələrin hər biri 19 mm hündürlüyə malikdir. Əlavə olaraq klaviatura qaranlıq şəraitdə düymələri ayıra bilmək üçün arxa işıqlara malikdir. Logitech iddi edirki, klaviatura arxa işıqları açıq şəkildə 15 gün, qapalı şəkildə isə 10 aya kimi batareya saxlaya bilir. Klaviaturanın batareya tutumu 1500 mAh-dir.
Təqdim edilmiş MX Mechanical və MX Mechanical Mini klaviaturalarının qiyməti isə müvafiq olaraq 170$ və 150$ təşkil edir.
MX Master 3S hansı xüsusiyyətlərə malikdir?
Logitech yeni MX Mechanical klaviaturaları ilə yanaşı MX Master 3S siçanınıda təqdim edib. Master 3 siçanının yeni versiyası olan Master 3S daha çox özəlliklərə sahibdir.Belə ki, şirkət yeni təqdim etdiyi siçanın bu günə qədər hazırladığı bütün siçanlardan 90% daha səssiz olduğunu iddia edir. Siçanın ölçüsü Master 3-ə nisbətən daha böyükdür və 8000 DPİ sensora malikdir.Master 3S bir çox səthlərdə hətta şüşə səthdə belə rahatlıqla işləyir. Logitech MX Master 3S siçanının qiyməti isə 99$ təşkil edir.
MX Mechanical, MX Mechanical Mini və MX Master 3S məhsulunun hər biri Logi Options Plus proqramı vasitəsilə özəlləşdirilə bilər.
