Texnologiya sahəsi dayanmadan inkişaf edir. Belə ki, artıq yeni təqdim olunan standart ilə LiFi şəbəkəsi adi WiFi-dən 100 dəfə sürətli olacaq. Bildiyimiz kimi, hazırda dünyanın bir çox yerində istifadə olunan WiFi internet şəbəkəsi radio dalğalarına əsaslanır. Yeni LiFİ texnologiyası və ya Light Fidelity isə işıq dalğaları vasitəsi ilə interneti ötürə bilir. Bir çox şirkət uzun müddətdir bu texnologiya üzərində çalışırdı. İndi isə yeni IEEE 802.11bb standartı ilə bu texnologiya adi WiFi texnologiyasından 100 dəfə sürətli olacaq və daha geniş əhatə dairəsinə sahib olacaq.
Bəzən radio dalğaları WiFi şəbəkəsinin fəaliyyətinin məhdudlaşdırırdı. Hətta təyyarələrdə radio dalğalarının qarışmaması üçün smartfonlar internetdən məhrum olurdu. İndi isə yeni LiFi texnologiyası bir çox şeyi dəyişəcək. Beləliklə Elektrik və Elektronika Mühəndisləri İnstitutu və ya IEEE 802.11bb standartını rəsmi olaraq qəbul edib. Artıq LiFi şəbəkəsi WiFi şəbəkəsindən 100 dəfə daha sürətli olacaq. Hətta texnologiya nəhəngləri yeni LiFi texnologiyasına əsaslanan cihazlar üzərində işləməyə də başlayıb. Maraqlısı budur ki, LiFi texnologiyası işıq dalğaları ilə interneti ötürsə də, insan tərəfindən bu dalğalar hiss olunmayacaq. Yəni bu dalğalar çox yüksək tezlikdə ötürüləcək. Qeyd edək ki, LiFi texnologiyasının internet sürəti 224 WB/san olacaq.
Qeyd edək ki, yeni texnologiya 5G və WiFi şəbəkələrindən həm daha sürətli, həm də etibarlı olacaq. Artıq küçə lampaları, adi otaq lampaları və ya avtomobil lampaları vasitəsi ilə də interneti ötürmək mümkün olacaq. Yəni gələcəkdə internet çox fərqli formalarda istifadə olunacaq. Artıq modem və ya routerlər, hətta kabellər tarix ola bilər. İnternet üçün sadəcə işıq dalğaları və ya lampa lazım olacaq. Maraqlısı budur ki, yeni texnologiya internetin gecikmə sürətini də minimuma endirir. Yəni radio dalğaları kimi divar kimi maneələrdə ilişmir. Bu işıq dalğaları istənilən maneəni rahatlıqla keçə bilir. Bundan əlavə yeni texnologiyaya əsaslanan cihazların tezliklə hətta gələn ilin fevral ayında keçiriləcək MWC konqresində ortaya çıxacağı gözlənilir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
