iPhone 15 seriyası, mövcud iPhone modelləri ilə gələn Lightning kabelindən 50% daha uzun olan hörgülü USB-C şarj kabeli ilə gələcək. Bu məlumat yeni iPhone modellərinin çıxmasına barmaqla sayılacaq günlər qalmış ortaya çıxıb. Bu yaxınlarda məlum oldu ki, Apple iPhone 15 modellərində cihazın rənginə uyğun USB-C-dən USB-C kabelindən istifadə edəcək. İndi isə iPhone 15 qutusundan çıxacaq hörgülü USB-C kabelinin 1,5 metr uzunluğunda və çox daha davamlı olacağı bəlli olub.
Cari iPhone modelləri ilə gələn Lightning kabeli çox zəif idi. Cəmi 1 metr uzunluğunda olub, yalnız ağ standart rəngdə təklif olunurdu. Hörgülü kabellərin iPhone 15-in yeni rəng seçimlərini əks etdirən qara, ağ, sarı, mavi, narıncı kimi müxtəlif rənglərdə olması gözlənilir. USB-C kabelinin 50% uzun olub 1,5 metrə çatmasından əlavə isə başqa bir məsələ də var.
Çinlilər bu kabeli əldə edib test etdikdə iPhone 15 və iPhone 15 Plus üçün olan kabellərin “Pro” modellər üçün olanlardan fərqləndiyini iddia ediblər. Çünki, ortaya çıxmış bu kabellər Thunde USB 3.0 ilə Thunderbolt dəstəkli deyillər. Eyni zamanda MFI standartı da mövcud deyil. USB 2.0 üzərindən 20V3A dəstəyə malik olub, 16 pinli quruluşa sahibdirlər. Ona görə böyük bir ehtimalla şirkət iPhone 15 Pro və iPhone 15 Ultra adlı modelləri üçün daha fərqli kabellər hazırlayacaq. Lakin MFI bu kabellərdə yoxdursa, bu hal bizə Avropa Birliyinin qərarının işlədiyinə işarə edir.
Apple MFI üçün yerləşdirdiyi kiçik çip ilə smartfona taxılan kabellərin orijinallığını yoxlaya bilirdi. Lakin bu halda Apple istədiyi kimi limitləmələr gətirə biləcəyindən Avropa Birliyi bu vəziyyətlə razılaşmırdı. Göründüyü qədərilə də istədiyini əldə edib.
