Apple-ın iOS 18 yeniləməsi, yenilikləri ilə yanaşı problemləri ilə də gündəmdədir. Belə ki, hazırda istifadəçilər smartfonlarından qəribə səslər eşitdiklərini bildiriblər. Problemin əsasən iPhone 16 modellərində qeydə alındığı da məlumdur.
Apple-ın bir müddət əvvəl təqdim etdiyi iOS 18, yeni xüsusiyyətləri ilə diqqət çəkərkən, gözlənilməz problemləri ilə də gündəmdədir. Bunların əksəriyyəti günümüzdə öz həlli tapmış olsa da, müxtəlif formalarda yenidən ortaya çıxmaqda davam edir. İndi istifadəçilər iPhone-ların bilmədən təcili zənglər etməsindən və “qəribə səslər” çıxarmasından şikayətlənirlər. Maraqlısı budur ki, Reddit-də bəzi istifadəçilər hətta bunların qeyri-müəyyən söhbətlər olduğunu iddia edirlər. Məhz yaranan bu problemlər istifadəçilər arasında təhlükəsizlik ilə bağlı narahatlıqlara səbəb olub.
Bu problemin həm aparat, həm də proqram təminatı nasazlığından yaranma ehtimalı mövcuddur. Xoşbəxtlikdən, Apple bu səhvlərdən xəbərdar olduğunu və hazırda bu problemin üzərində çalışdığını açıqlayıb. Şirkət tezliklə bir yenilənmə buraxmağı planlaşdırır. Digər tərəfdən, problemin mənbəyi və ya hansı modellərin təsirləndiyi barədə hələlik məlumat paylaşılmayıb. Bununla belə, Apple daha əvvəl də oxşar vəziyyətlərdə problemlərə dərhal həll tapması ilə tanınır. Bu problemin də qısa müddətdə aradan qaldırılacağını deyə bilərik.
