Apple iPhone X-dən bəri yüksək səviyyəli modellərində ya paslanmayan poladdan, ya da titan çərçivələrdən istifadə edir. Yeni hesabatda şirkətin iPhone 17 Pro modelləri ilə bu dizaynı dayandıracağı iddia edilir. Beləliklə, sentyabr ayında təqdim edilməsi gözlənilən iPhone 17 Pro, yarı şüşə, yarı alüminum dizayn ilə gələ bilər.
İPhone 17 Pro modellərinin MagSafe və Qi simsiz enerji doldurma dəstəyini qorumaq üçün alüminium çərçivə və şüşə arxaya sahib olacağı şayiələr var. iPhone 17 Pro modelləri üçün bu yarım alüminium, yarım şüşə dizaynı daha əvvəl The Information-dan Wayne Ma tərəfindən bildirilmişdi və indi Instant Digital tərəfindən təsdiqlənir. Apple daha əvvəl iPhone 16 və iPhone 16 Plus da daxil olmaqla aşağı səviyyəli modellərdə alüminium çərçivələrdən istifadə etmişdi.
Qeyd edək ki, ötən ilin flaqman modelləri olan iPhone 16 Pro və 16 Pro Max titan çərçivələrə malikdir. Buna görə də alüminiuma keçid Pro istifadəçiləri üçün əhəmiyyətli bir dəyişiklik olacaq. Instant Digital həmçinin alüminium çərçivənin çox nazik olacağını və iPhone 17 Pro modellərinin ultra nazik çərçivələrə sahib olacağını gözlədiklərini bildirir. Apple, hər il olduğu kimi, sentyabr ayında keçiriləcək tədbirdə iPhone 17 seriyasını təqdim edəcək. Hətta ötən günlərdə təqdimatın məhz 19 Sentyabr tarixində baş tutacağı da ortaya çıxarılmışdı.
