ABŞ-da ortaya çıxan yeni bir hesabat, iPhone 16e-nin seriyanın digər iPhone-ları ilə müqayisədə satış baxımından necə olduğunu təyin edib. Consumer Intelligence Research Partners (CIRP) tərəfindən paylaşılan son məlumatlar Apple-ın yeni sərfəli modeli iPhone 16e-nin ABŞ bazarında təsirli satış rəqəmləri əldə etdiyini məlum edib.
İlk rübdə iPhone satışlarının 7%-ni təşkil edən iPhone 16e, keçən ilin eyni dövründə iPhone SE-ni əhəmiyyətli dərəcədə üstələyib. iPhone 16e-nin seriyaya əlavə edilməsi ilə iPhone 16 ailəsi beş modeldən ibarətdir və 2025-ci ilin martına əsasən ABŞ-da ümumi iPhone satışlarının 74%-i iPhone 16 ailəsindən olub. Bu nisbət isə 2024-cü ildə iPhone 15 seriyasının 68%-lik payı ilə müqayisədə əhəmiyyətli artım deməkdir.
Məlumatlar göstərir ki, orta səviyyəli seqmentdə bu artım əsasən iPhone 16e tərəfindən idarə olunub. Bundan əlavə, standart iPhone 16 modeli də satışlarda əhəmiyyətli bir artım yaşayıb. Bununla belə, eyni uğur yuxarı seqmentdə qeydə alınmayıb. Belə ki, keçən il iPhone 15 Pro flaqman modelərinin 45%-i ilə müqayisədə iPhone 16 Pro və Pro Max ümumi satışların 38%-ni təşkil edir. Bu isə iPhone 16 Pro seriyasının sələfindən daha az maraq cəlb etdiyini deməyə kifayət edir. Ümumiyyətlə, ölkəmizdə də iPhone 16e modeli maraq cəlb etməyi bacarmışdı. Bununla belə, satışları digər iPhone modellərinə nəzərən elə də təsirli deyil.
