Apple brendinin sentyabr ayında keçirəcəyi tədbir çərçivəsində təqdim etməyi planlaşdırdığı iPhone 16 seriyası barəsində məlumatlar sızdırılmağa davam edir. Belə ki, yeni ortaya çıxan xəbərə görə iPhone 16 Pro seriyası “40Vt” şarj dəstəyi əldə edə bilər. Çindən gələn iddialara görə, iPhone 16 Pro və 16 Pro Max modellərində daha sürətli şarj ilə qarşılaşa bilərik.
![iPhone 16 Pro 40Vt](https://tedroid.com/media/2024/07/iphone-16-pro-40vt-sarj-desteyi.webp)
Maraqlısı budur ki, smartfonların yalnız simli şarj sürəti deyil, MagSafe şarj sürətinin də 15Vt-dan 20Vt-a qədər artırılacağı iddia edilir. Bildiyimiz kimi, hazırda iPhone 15 Pro seriyası 27Vt şarj sürəti təklif etsə də, yeni 16 Pro seriyası ilə bu göstərici 40Vt ola bilər. Lakin, Apple 40Vt yeniliyi etsə belə, hələ də sənayedə rəqiblərindən geri qalır. Ümumiyyətlə, Apple son illərdə şarj sürəti mövzusunda rəqiblərindən bir xeyli geridə qalır. Hal-hazırda, bir çox flaqman smartfonlar 120Vt sürətli şarj dəstəyi ilə gəlir.
Bundan əlavə, Apple şirkətinin yeni təqdim edəcəyi iPhone 16 Pro seriyası kamera əsaslı iddialar ilə gündəmə gəlmişdi. iPhone 15 Pro ailəsindəki yalnız 15 Pro Max modelinə yalnız 5x optik böyütmə qabiliyyəti təklif edən Apple, indi sadə iPhone 16 Pro versiyasına da bu xüsusiyyəti daxil edəcək. Hazırda iPhone 15 və 15 Plus modelləri A16 prosessoru, 15 Pro və 15 Pro Max modelləri isə daha güclü A17 Pro prosessoru ilə təchiz edilib. Yeni iddialara görə, sentyabr ayında təqdim olunacaq iPhone 16 ailəsində prosessor adı baxımından heç bir fərq olmaya bilər. Müvafiq olaraq, 16 və 16 Plus A18 prosessoru ilə, 16 Pro və 16 Pro Max modelləri isə A18 Pro prosessoru ilə təchiz oluna bilər. Həmçinin Apple Samsung şirkətini 120 Hz OLED panellərini də iPhone 16 Pro seriyasından istifadə etmək niyyətindədir.