Ötən aylarda təqdim edilən flaqman iPhone 15 seriyasında 2 müxtəlif çipset seriyasından istifadə edilməsi ağıllara bir sual gətirmişdi. Belə ki, bu sual məhz iPhone 16 seriyasında A17 çipsetlərindən də istifadə olunub-olunmayacağı idi. Lakin iOS 18 sisteminin ilkin inkişaf versiyasında iPhone 16 seriyasında istifadə olunacaq çipsetlərin bəzi detalları da ortaya çıxıb. Beləliklə yeni ortaya çıxan məlumata əsasən Apple A17 çipsetlərindən gələn il təqdim edəcəyi flaqman iPhone seriyasında istifadə etməyi planlamır.
Cyrstal kod adlı iOS 18 sisteminin ilkin versiyasındakı kodlar arasında yeni iPhone modellərinin adı tapılıb. Görünən odur ki, iPhone Ultra modeli yeni seriyada da bizlərə təqdim edilməyəcək. Belə ki, iPhone 16 seriyası iPhone 16, 16 Plus, 16 Pro və 16 Pro Max modellərindən ibarət olacaq. Bundan əlavə yeni seriyaya daxil olan bütün modellər eyni adlı A18 çipset seriyasından istifadə edəcək. Apple bu dəfə Pro və sadə modellər arasında prosessor tərəfində fərq qoymayacaq.
İphone 15 modellərinin iPhone 14 Pro-da istifadə olunan A16 çipseti ilə təchiz edildiyi halda, iPhone 15 Pro modellərinin A17 Pro çipsetləri ilə təqdim edilməsi gündəm mövzusu olmuşdu. Məhz bu addım Apple şirkətinin müxtəlif tənqidlər almasına da səbəb olmuşdu. İndi isə Apple bu il çox tənqid olunan bu addımdan əl çəkmək niyyətindədir. iPhone 16 seriyasının bütün modelləri A18 çipset seriyasından istifadə edəcək. Hələlik yeni iPhone 16 seriyası ilə bağlı çox məlumat ortaya çıxmayıb. Lakin yenə də çipsetdən əlavə yeni iPhone-ların müxtəlif yeniliklər təqdim etməsi gözlənilir. Hətta bu dəfə dizayn tərəfində də bəzi yeniliklərə şahid ola bilərik.
