Apple brendinin ötən günlərdə təqdim etdiyi iPhone 15 seriyası böyük tələb görsə də, yeni flaqman modellərin bəzi problemləri ortaya çıxıb. Belə ki, yeni iPhone 15 Pro Max modelini əldə edən istifadəçilər smartfonun performans itkisi və həddindən artıq qızma problemləri ilə qarşılaşdığını bildirir. Maraqlısı budur ki, Apple yeni A17 pro çipsetli flaqman modellərini təqdim edərkən onları dünyanın ən performanslı smartfonları kimi qələmə vermişdi. Görünən odur ki, Apple bu mövzuda yanılır. Çünki, smartfonlar həddindən artıq isinir.
Ümumiyyətlə Apple yeni iPhone 15 Pro Max modelində əsasən performansə fokuslanmışdı. Hətta smartfon təqdim edilərkən də A17 Pro çipsetinin ən güclü smartfon çipseti olduğu elan edilmişdi. O cümlədən mobil oyun sektoru üçün də yeni smartfonun inqilabi yenilik olduğu bildirilmişdi. Lakin görünən odur ki, Apple bütün bu fikirlərində yanılıb. Çünki iPhone 15 Pro Max modelləri böyük performans itkisi və həddindən artıq qızma problemləri ilə üzləşir. Təbii ki, buradakı ən böyük problem məhz 3 nm çipsetdir. Apple ilk dəfə 3 nm çipsetdən istifadə etdiyi üçün onun hansı mənfilərinin olduğunu əvvəlcədən hesablaya bilməyib. Hazırda bazarda olan digər 3nm çipsetli smartfonlarda da eyni problem meydana gəlir.
Apple 3nm çipsetin səmərəlilik problemlərini artırmaq üçün enerji istifadəsini müəyyən qədər artırıb. Lakin bu zaman əvvəlcədən hesablanmayan problem meydana gəlib. Bu isə həddindən artıq isinmədir. Təbii ki, smartfonun isinməsi onun performansının aşağı düşməsinə gətirib çıxarır. Qeyd edək ki, smartfon intensiz istifadə zamanı 47 dərəcəyə qədər isinib. Habelə smartfon öz performansının 4-də 1-ni yəni 25%-ni itirir. Əgər bu intensiz istifadə daha uzunmüddüət olarsa performans itkisi 34%-ə qədər çata bilir. Maraqlısı budur ki, belə performans itkisi və isinmə ilə 15 Pro Max yüksək qrafikli oyunları necə oynamağa imkan verəcək.
