iPhone 14 seriyasının müxtəlif variantlarının istifadəçiləri batareya problemləri və çox sürətli deqradasiyasından şikayətlənməyə başlayıblar. Sosial şəbəkələrdəki paylaşımlara görə, bəzi iPhone-lar 10 aydır çıxmasına baxmayaraq batareyanın dəyişdirilməsi üçün servis mərkəzinə getməli olublar. Üstəlik servislərdə də batareyalarla bağlı ciddi müraciət qeydə alındığı iddia olunub.
iPhone 14 modeli hələ 16 sentyabr 2022-ci ildə təqdim edilib və üzərindən 1 il keçməsinə 1 ay vaxt var. Buna görə də ən köhnə iPhone 14 seriyası modeli 11 aydan əvvələ aid ola bilməz. Bununla belə, əvvəlki modellərdən bəzilərinin artıq batareyanın dəyişdirilməsinə ehtiyacın varlığı texniki cəhətdən bəzi gözlənilməz problemlərdən xəbər verir. iPhone 14 seriyasına aid batareya ömrü əks olunan ekran görüntüləri sosial şəbəkələrdə sıxlıqla görünməyə başlayıb. Maksimum batareya tutumunda əksər hallarda 10-13% azalma müşahidə olunub. Üstəlik bu istifadəçilərin əksəriyyəti sadəcə 4-5 aydır ki, yeni smartfonu qutusundan çıxarıb istifadə edir. Yəni azalma 11 aylıq müddəti yox daha qısa periodu ifadə edir.
Hələlik Apple bu məsələyə münasibət bildirməyib. Lakin şirkətin saytında uzun müddətdir ki, batareyanın iPhone-un performansına və digər sahələrinə necə təsir etdiyini təsvir edən xüsusi bölmə nümayiş etdirilir. Məsələn, şirkət batareyanın köhnəlməsinin kimyəvi bir xüsusiyyət olduğunu vurğulayır və batareya tutumunun 20% azalmazdan əvvəl 500 tam boşalma/doldurma dövrünə tab gətirəcəyin bildirir. Bu isə şirkəti mümkün risklərdən sığortalayır. Yaşadığı bölgədə rəsmi Apple servisləri olan istifadəçilər bənzər problemlərdən əziyyət çəkirlərsə, iPhone 14 seriyası modellərini batareya dəyişimi üçün servislərə də apara bilərlər. Amma yenə də dəyişmə edilib-edilməyəcəyi dəqiq deyil.
