Yanvarın əvvəlində Apple-ın iPhone SE seriyasını dayandırdığını öyrənmişdik. İndi iki ay keçməmiş həmin mənbədən seriyanın yenidən dirçəldiyini eşidirik. Apple ilk dəfə 2016-cı ildə iPhone SE-ni flaqman smartfonlara sərfəli alternativ kimi təqdim etdi. Texnologiya nəhəngi yalnız 2020-ci ildə ikinci nəsil ilə bu xətti yenilədi. Üçüncü modeli isə 2022-ci ildə qarşımıza çıxarıldı. Bu modeldə Apple A15 Bionic çipseti, 12MP kamera və 5G bağlantısı əsas yeniliklər olmuşdu.
Apple haqqında şayiələr və analitiklərin məşhur təchizatçısı Ming-Chi Kuo bu gün gündəmə yeni xəbər gətirib. Belə ki, Ming-Chi Kuo növbəti iPhone SE-nin iPhone 14 üzərində qurulacağını və eyni ölçülü 6,1 düymlük OLED ekrana sahib olacağını bildirən bir hesabatla geri döndü. Beləliklə, bu cihaz OLED ilə qurulan ilk iPhone SE olacaq və panel BOE tərəfindən istehsal edilməlidir.
Ming-Chi Kuo həmçinin Apple-ın özünün inkişaf etdirdiyi 5G çipindən istifadə edən ilk iPhone olacaq. Onun 4nm prosesində istehsal ediləcəyi və mmWave deyil, yalnız Sub6 5G-ni dəstəkləyəcəyi düşünülür. Kuo Twitter profilində qeyd edir:
“Yeni iPhone SE 4, Apple-ın 4nm prosesi (5nm-ə bənzər) ilə istehsal edilmiş 5G əsas zolaqlı çip ilə təchiz ediləcək və hazırkı planda olduğu kimi yalnız Sub-6GHz-i dəstəkləyəcək”.
2024-cü ildə iPhone 16 seriyasının Apple şirkətinin 5G çipindən istifadə edib-etməyəcəyini zaman göstərəcək. Hazırda əsas texniki maneələr mmWave və peyk rabitəsi ilə bağlıdır ki, çipin iPhone Pro seriyasına görə daha çox lazım olacağı bildirilir. Qiymətlər hələ açıqlanmasa da, əvvəlki əsas modelin qiyməti nəzərən baxsaq böyük bir ehtimalla konstruksiya elementləri artıq qalacağından yenilənmiş iPhone 14 daha ucuz qiymətə 429 dollardan növbəti il təqdim oluna bilər. Növbəti seriyanın istehsalına 2024-cü ilin birinci yarısında elan ediləcəyi gözlənilir.
