Apple şirkətinin ilk ağıllı saatı üçün yolun sonu görünüb. Belə ki, rəsmi olaraq texnologiya nəhəngi Apple Watch modeli üçün yenilənmə dəstəyini dayandırır. Xatırladaq ki, Apple bu saatını 2015-ci ildə təqdim etmişdi. Artıq 7 ildir yenilənmə əldə edən bu saat bu ildən etibarən əlavə yenilənmə əldə edə bilməyəcək. Ümumiyyətlə 2015-ci ildə Apple şirkəti bazara çox iddialı giriş etmişdi. Bunun əsas səbəblərindən biri də Apple Watch modeli olmuşdu.
Maraqlısı budur ki, hazırda şirkət Apple Watch 9 seriyasını təqdim edib və satışa çıxarıb. Buna baxmayaraq ilk Apple Watch modeli yenilənmə əldə edə bilirdi. Bəziləri bu saatın artıq istifadə olunmadığını düşünürsə yanılır. Çünki, hazırda minlərlə Apple Watch 1 istifadəçisi mövcuddur. Əsas səbəb isə saatın yenilənmə əldə edə bilməsi və cəlbedici dizayna sahib olması idi. Əslində Apple Watch 1 modelinin bu ildən etibarən köhnəlmiş elan ediləcəyi gözlənilən idi. Çünki, Apple yeddi ildən sonra öz cihazlarını köhnəlmiş kimi təsnif edir.
Bu il hazırlanan həmin o siyahıya isə ilk Apple Watch modeli də əlavə edilib. Qeyd edək ki, Bu modellər arasında 38 mm və 42 mm alüminium və paslanmayan polad versiyaları da daxil olmaqla təxminən 17 min dollara satılan 18 karatlıq (3.6 qram) qızılla örtülmüş Apple Watch Edition daxildir. Təbii ki, qızılla örtülmüş Apple Watch Edition modelinin artıq yenilənmə əldə etməməsi bir çox istifadəçi üçün narahatlıq doğura bilər.
